Kryeministri Edi Rama nëpërmjet një postimi në Facebook ka lajmëruar se mbrëmjen e sotme do t’iu jap përgjigje të gjitha pyetjeve mbi OFL-në dhe se përse aksioni i sekuestrimit të pasurive nuk nis nga Surreli, Gjiri i Lalëzit apo nga Parlamenti.
Rama njofton që ta ndjekim tek ERTV apo në emisionin ‘Opinion’.
“SONTE NË “OPINION” MBI OPERACIONIN NDAJ PASURIVE TË VRASËSVE, TRAFIKANTËVE TË DROGËS, SHFYTËZUESVE TË VAJZAVE DHE LIGJIN E APROVUAR DJE PËR PEZULLIMIN NGA DETYRA DHE HETIMIN E FIGURËS E TË PASURIVE TË PJESËTARËVE TË ORGANIZATËS KRIMINALE “KAP ÇA TKAPËSH” (KÇK) NË SISTEMIN GJYQËSOR TË SHQIPËRISË
Kush do të dijë cilët kap Ligji Special i pasurive kriminale; ku ndryshon thelbësisht pasuria e tyre nga pasuria e njerëzve të zakonshëm apo sipërmarrësve të vegjël a të mëdhenj, që kanë fshehur të ardhura nga puna e tyre gjatë tre dekadave të fundit; pse Operacioni Forca e Ligjit u shërben këtyre të fundit dhe mbi të gjitha Shqipërisë që duam; pse OFL nuk merret me “Surrelin”, “Gjirin e Lalëzit” apo “Parlamentin”; pse ky operacion nuk nisi më parë gjatë 6 viteve e gjysëm të mandatit tonë qeverisës e me radhë, përgjigjet e mia për të gjitha kundërshtitë e shfaqura ndaj këtij përshkallëzimi ekstrem të LUFTËS SË SHTETIT ME KRIMIN, le të më ndjekë sonte këtu, në ekranin e ERTV apo në ekranin e TvKlanit, në 21.00, përballë Fevziut dhe panelit të analistëve të tij”, shkruan Rama.
/a.r
