Të gjithë e kemi këtë problem. Batëritë e celularëve të zgjuar nuk rezistojnë shumë, sidomos tani që janë shpikur të tilla lojëra si Pokemon Go.
Sigurisht janë të shumtë ata që vendosin t’i karikojnë gjatë natës. Por eksperti Dominic Littlewood thotë se kjo është gjëja e fundit që duhet bërë.
Ai shpjegon se nëse lëmë diçka në karikim për një periudhë të gjatë kohe, mund të jetë shumë e rrezikshme. Kjo për shkak se shtohet rreziku për të marrë zjarr.
Ai paralajmëron të kemi më shumë kujdes, pasi njerëzit e lënë celularin në karikim shumë pranë krevatit ose në krevat, duke shtuar ndjeshëm shanset për të rënë zjarr, shkruan mapo.
Ai sërish jep këshillën që të mos e karikojmë celularin deri në 100 përqind. Kjo për shkak se në këtë mënyrë i shkurtohet jeta baterisë së celularit.
