Nga Mero Baze
Nëse ka një fitore reale Ilir Meta më 2 Mars, nuk është as kauza fallco e tij, as retorika banale e Presidencës për mitingje politike, por gjunjëzimi I Sali Berishës prej tij.
Prej tërheqjes së Lulzim Bashës nga rruga radikale e protestave, pas dështimit të tyre vitin e kaluar, dilema e opozitës ishte, se si do të vazhdohej më tej. Berisha nuk hoqi dorë në asnjë moment nga thirrjet për protesta dhe vazhdimi I rrugës radikale me mjete të tjera.
Lulzim Basha nuk e kundërshtoi kurrë me fjalë këtë gjë, por me vepra nisi diçka tjetër. Ai ju kthye normalitetit politik, u ul në tryezën për reformën zgjedhore, dhe filloi të promovoj një dimension njerëzor në spotet publicitare që përgatisin imazhin e tij për zgjedhje.
Kjo duket se i çmendi të gjithë në opozitë.
Sali Berisha edhe pse ngjan si tigri I opozitës, në të vërtet është një tigër I mbyllur në kafaz, që është I detyruar të ushqehet me atë çfarë I jep Lulzim Basha. Ai nuk ka luksin as ta sulmoj Lulzim Bashën, as ta shkarkoj, as të ndahet prej tij. Ai ka në dorë vetëm të mërmëris dhe të thotë të kundërtën e asaj që thotë Lulzim Basha, duke bërë sikur nuk e ka mendjen se çfarë bën ai.
Pikërisht në këtë moment, u shfaq Ilir Meta dhe halli I tij. Përpjekjet për ta shkarkuar atë nga Preisdent dhe ngritja e mundshme e Gjykatës Kushtetuese brenda vitit, rrezikon seriozisht të ardhmen e tij politike.
Në këto kushte, Ilir Meta ka përgatitur partinë e tij të re, një parti me frymë të ekstremit të djathtë, nacionaliste, ksenofobe, nën shembullin e partive të Orbanit, Sharonit apo të ngjashmëve të tyre.
Kjo është e vetmja mënyrë që Ilir Meta të gjej një elektorat të ri nga e djathta, I cili mund ta rifaktorizoj atë.
Sali Berisha, I gjendur mes dilemës që I vjen nga Lulzim Basha, I cili bën sikur nuk e dëgjon çfarë thotë Berisha, dhe Ilir Metës që i kërkon me ngulm ose ti bashkohet lëvizjes së tij, ose do përfundoj në pranga bashkë me të, duket se zgjodhi Ilir Metën. Mbështetja e Berishës ndaj Ilir Metës, në fakt është një faktorizim I fort I Metës si një pol I ri opozitar, dhe një mënyrë që të mos përballet me refuzimin e përditshëm që Lulzim Basha po I bën thirrjeve për kurs radikal dhe marrje pushteti me dhunë.
Sali Berisha ka zgjedhur të mos turpurohet nga Basha që bën sikur nuk e dëgjon, por të jetë me Ilir Metën që i përgjigjet thirrjeve të tij për luftë. Kjo duket qartë tek ata që deklarojnë mbështetjen për 2 Marsin, që janë I gjithë rrethi poltik dhe nejrëzor I Sali Berishës. Përfshi dhe portalet e familjes së tij që tallen me Bashën që është bërë normal.
Sot opozita në të vërtet është dypolare. Ajo ka një lider zyrtar të saj, që shpreson ta udhëheq PD deri më 2021, dhe një pretendet për kryetar të ri opozite, pas vitit 2021.
Kjo është hera e dytë që Ilir Meta e bën politikën shqiptare tre polare. Për herë të parë e bëri më 2004, kur krijoi dy pole në qeveri përballë opozitës së bashkuar. Kjo është ehra e dytë kur po krijon dy pole në opozitë përballë një shumice shumë të bashkuar.
