Përveç se rrezikon të humbas rreth 8230 hektarë tokë, me marrëveshjen për demarkacionin Kosovë – Mali i Zi, pëson edhe turizmi edhe ashtu i varfër malor i Republikës së Kosovës.
Sipas turizmologut Fitim Humolli, në rast se ratifikohet marrëveshja për demarkacionin dhe bëhet zbatimi i saj në terren, atëherë dëmet e saj do të reflektojnë edhe në turizmin e vendit, pasi që malet e brezit kufitar në fjalë, kanë pasuri endemike bimore dhe shtazore, disa prej të cilave janë në zhdukje e sipër në Evropë, transmeton Koha.net.
Po ashtu, liqeni i Kuçishtës, i cili mund të ndahet me shtetin malazez, ka vlera të jashtëzakonshme për shkak të mënyrës se si është formuar ai, meqë ky liqen është liqen akullnajor.
Për të tjera shpjegime se çka e dëmton demarkacioni turizmin kosovar, mund të kuptoni nga deklarata e mëposhtme e Humollit, dhënë për emisionin Cosmo të KTV-së. (b.an)
