Nga Bledi Mane / Tema
Ministrin e Rendit e akuzoj per te vetmen arsye: Krahinizem te tepruar. Dhe jam i sigurt qe nuk e ka organike, e ka te yshtur nga paraardhesit. Prej nje respekti te sforcuar i duhej ta tepronte me emerime lokaliste ne policine e shtetit sikur te ishte garda janinase e Ali Pashe Tepelenes.
Saimir Tahiri momentalisht mbetet ministri te cilit dashuria e kamufluar i eshte kthyer ne urrejtje siperfaqesore.
Te Tahiri perplaset çdo ndertim pa leje, çdo kafe pa kupon tatimor, çdo vjedhje energjie, çdo cigar hashashi, çdo shkerdhim moteli, çdo semafor kaluar me te kuqe, çdo krismë pistolete deputeti, çdo gram kokaine prodhuar ilegalisht në Elbasan, çdo kercenim ne rrjetet sociale, çdo tentative azilkerkuesish.
Pra me nje fjale, ngarkesa qeverisese i eshte leshuar mbi shpatulla vetem nje ministri nderkohe qe te tjere aktore e faktore ndjehen më komodë. Mua me duket si nje bast i forte beteja e Tahirit dhe per kete nuk kam dyshim. Pa imunitet deputeti qe mund ta largojne ne cdo kohe, guximi i tepruar i djalit te Bashkimit vlen te admirohet.
Deri tani ndryshe nga ministra te tjere eshte atakuar me akuza te renda, arrestime prinderish, dhune fizike e verbale, tritole, kercenime, intriga mediatike, prudence nderkombetaresh, komplote politike dhe ka mbijetuar. Avokatia qe mund ti beje Rama dhe Meta jane disi demode dhe kjo pak i meshon impaktit ne komunitet.
Ne na intereson gadishmeria, eficenca, transparenca, etika dhe estetika e policise. Deri me tani kete minister e vleresoj me noten 9 sepse kushurinjte e tij nuk kane nevoje te rrezikojne me tregeti hashashi por mund te beheshin legalisht fitues te tenderave shumemilioneshe te ministrise se Rendit. Ndaj lufta dhe kercenimet mediatike kane nisur para kohe per Tahirin e ku i dihet, shume prej jush jane mesuar qe bejne plaçke ne kete menyre.
Jane 71 milione euro te vena ne dispozicion te policise shqiptare ndaj lukunia juaj e gjobvenesve kafshoni e mos ngurroni. Nese dhe kesaj here Sajmir Tahiri u tregon vendin, atehere ky burre duhet te jape doreheqjen e te shkoje ne Lion te Frances te filloje pune te interpoli.
Dhe mbajeni mend, kur pas fitores ndaj Portugalise se Ronaldos do te kaloni ne ekstaze e do te vozitni makinat si te çmendur policia e Sajmir Tahirit do tu kerkoje te testoni veten per sasine e alkoolit, ju do valevisni flamurin e do bertisni plot hipokrizi ” o sa(j)mire me qen shqiptar”!
Sajme para se ta mbyll kam nje pyetje: Pse me rezulton zona e Skraparit pa asnje parcele te mbjelle me hashash?
Shenim i rendesishem/. Ky artikull nuk eshte sponsorizuar nga Ministria e Rendit
