Bashkëthemeluesi i partisë ‘Shqipëria Bëhet’, Endri Shabani i ftuar në ‘Real Story’ tha se në partitë e reja vendos votuesi se kush do të shkojë në parlament dhe jo kryetari i partisë. Sipas tij, në listën e Berishës ka personazhe të vjetër të njohur për zullume.
“Është besueshmëri e publikut, nëse beson që Shabani është i mirë dhe i jep votën shkon në parlament. Esenca është që e vendos votuesi jo kryetari i partisë. Në partitë e tjera, e vendos partia.
Rama ka vendosur njerëz anonim në listë të mbyllur, ndërsa Berisha ka vendosur njerëz që njohim për zullume. Me këtë sistem që e ka dizenjuar Berisha me Ramën, do futen njëherë të listës së mbyllur. Këta kanë prioritet të listës së mbyllur.
Nëse një parti në Tiranë merr 12 mandate, do futen njëherë këta të listës së mbyllur. Nëse votuesi i PD do votojë për Tabakun, do marrë peshqesh cunin e Fariut etj. Në koalicion ‘Shqipëria Bëhet’ nuk besoj se do marrim 46 mandate se do ishim në lista të mbyllura. Krijuam një listë fiktive tek e mbyllura që të shkojmë automatikisht në listë të hapur”, tha Shabani.
