Struktura e ‘Kompleksit Partizani’ e ndërtuar nga regjimi komunist ka qenë për 60 vite simboli i sportit shqiptar dhe kampionëve të tij të mëdhenj. Ajo përbëhej nga palestra, pishina, pista atletike, fusha vollejbolli dhe basketbolli për një sipërfaqe totale prej mbi 26 mijë metra katrorë.
Për vite me radhë, edhe pas rënies së regjimit, kjo ishte një nga qendrat e pakta sportive në kryeqytet, ku kaluan mijëra sportistë çdo vit.
Kështu shkruan sot Shqiptarja.com teksa komenton privatizimin e ‘Klubit Sportiv Partizani’, kur nën qeverisjen e Sali Berishës trualli i kompleksit u kthye në shesh ndërtimi.
“Struktura sportive ka mbetur gjithmonë e përfshirë në të ashtuquajturin ”plani i përhapjes” të ministrisë së Mbrojtjes dhe forcave të armatosura, domethënë një listë që përfshin pronat ushtarake që Presidenti i Republikes dhe gjeneralët i konsiderojnë strategjike. Kështu ka qenë për trembëdhjetë vitet pas rënies së regjimit, derisa kur, Sali Berisha u kthye në pushtet ne vitin 2005″ – shkruan portali në fjalë.
Detaje vijnë edhe nga mënyra se si dhe kur pronat janë ‘rikthyer te i zoti’, por vetëm për ato familje pranë Sali Berishës:
Në vitin 1996, trashëgimtarët e familjes Begeja fitojnë kështu të drejtën për të kthyer pronat e konsideruara si të marra në mënyrë të paligjshme nga shteti, gjithmonë në zonën e kryeqytetit ku qëndronte dikur aeroporti i Tiranës, tek ish fusha aviacionit. Vendimi mban datën 25 Prill 1996, nënshkruar nga kryetari i komisionit pranë agjencisë së kthimit dhe kompensimit të pronave Lulzim Çollaku (emëruar nga Sali Berisha) i cili u njeh trashëgimtarëve Begeja të drejtën e dëmshpërblimit të vlerës së tokave ose kthimin e tyre me shtesë e drejta e parablerjes së ndërtesave shtetërore të ndërtuara në pronën e tyre. Një e drejtë e cila, megjithatë, mund të ushtrohet vetëm nëse shteti vendos të privatizojë.
Por çfarë është më interesantja, është konstatimi se:
Kjo është arsyeja pse nga prilli 1996 deri në vitin 2005 trashëgimtarët Begeja nuk kërkojnë asnjë dëmshpërblim: ata preferojnë të presin kthimin në pushtet të Partisë Demokratike (ndërkohë te kaluar në opozitë pas skandalit të piramidave) dhe kthimin në Shqipëri të Jamarber Malltezit, i cili së bashku me gruan e tij kishte shkuar për të punuar në Kosovë. Vlente të kishin pak durim, sepse sigurimi i privatizimit të Klubit Partizani vlente miliona euro. Në fakt, procesi i privatizimit filloi menjëherë në 14 nëntor 2005, vetëm dy muaj pasi qeveria e re Berisha mori detyrën, e cila dukshëm, nuk kishte përparësi të tjera për të bërë.
/a.r
