Nga Kreshnik Spahiu
Fryma anti-amerikane në Tiranë këto muaj ka rregjistruar kulimin e saj, krahasuar me 100 vitet e fundit.
Ky mllef, kjo urrejtje, ky irritim, kjo pakënaqësi i ka rrënjët vetëm tek një njeri: Ai quhet Sali Berisha.
Lufta e tij kundër diplomacisë amerikane nuk ka fillimin dhe mbarimin gjatë mandatit të ambasadores Yuri Kim.
Sali Berisha ka 25 vjet përplasje dhe beteja me 7 ambasadorët amerikan: Mariza Lino, Jossef Lipreht, Jahmes Jeffry, John Wothers, Alexandër Arvizzu, Donald Lu, Yuri Kim.
Qindra akuza ndaj ambasadorve amerikanë dhe zero kundër ambasadorve rus.
Sulme dhe shpifje të strukturuara.
Intriga nga më të ndryshet duke i akuzuar:
– të korruptuar
– guvernator të emëruar
– kineze
– komunista
– sorosista
– Feminista
– duar të pista
Berisha kur akuzon amerikanët si të korruptuar nuk nxjerr asnjë provë, ndërsa kur ata e akuzojnë atë si të korruptuar i padit në Francë dhe u kërkon prova se ku bazohen që e quajnë familje e korruptuar. Dy standarde për të njëjtën akuzë.
Përplasja 25 vjeçare Berisha-SHBA ka kultivuar një mllef të thellë tek afro 30% e popullsisë kundër amerikanve të cilët besojnë që gjithë ambasadorët amerikan vijnë me valixhe bosh dhe ikin plot.
Kjo frymë anti-amerikane në popull nuk ka egzistuar as në kohën e Enver Hoxhës sepse ai ishte kundër gjithë botës dhe jo specifikisht kundër SHBA.
Artikulimet e Enver Hoxhës kundër Washingtonit ishin më të kujdesshme se Berisha.
Enver Hoxha akuzonte:
– Imperializmin amerikan, por edhe revizionizmin rus,
– dekadencën amerikane, por edhe degradimin sllav,
– Washingtonin, Moskën dhe Pekinin.
Gjatë sistemit komunist të Enver Hoxhës, Amerika ishte për popullin shqiptar toka e premtuar, ndërsa për demokratët e Berishës është toka e korruptuar.
Gjatë sistemit Enver Hoxhës kishim qeveri të izoluar dhe anti-perendimore por populli besonte më shumë Amerikën se Zotin, dhe Zëri Amerikës ishte si Bibla dhe Kurani.
Në 100 vite Amerika ishte shpresa e shqiptarve për liri, demokraci dhe ndryshim.
Sot mijëra shqiptar të frymzuar nga Sali Berisha e shohin Amerikën si “tutor” që po cënon sovranitetin.
SHBA duhet të këpus urgjent fijet e padukshme, që kanë ndezur fitilin e zjarrit anti-amerikan në Tiranë.
Mjafton të hapësh rrjetet sociale dhe të lexosh mijëra statuse “bardheblu” kundër Washingtonit dhe të kuptosh që s’jemi në Moskë dhe as në Pekin por në Tiranën opozitare e cila nuk ka prioritet të largoj nga pushteti Edi Ramën por të largoj nga Shqipëria ambasadoren amerikane.
Kur ishim të vegjël thonim kështu kur luanim.Ku do të shkosh? Përgjigja: Në Amerikë.Pse? Zbërthehen fjala: A + mer + ik=Tokë e bollëkut,e mirë,e lirisë,ku mund të bëje gjithçka e të ishe shumë çka.Sot e shikoj ndryshe.Nuk është ëndrra ime amerikane.Ajo vdiq në shpirtin tim më 1996.Mbase.e kuptova jetën ndryshe,që Amerika është e mirë për amerikanët dhe Shqipëria për ne shqiptarët.Guri i rëndë në vendin e vet.Asgjë s,kam me asnjë përfaqësues të huaj.Nuk i njoh analet e diplomacisë europiane ballkanase dhe amerikane.Por kaq shumë që kanë ndërhyrë ata në çështjet e brendshme edhe shuuume ordinere brenda partive s,do kishte shtet demokratik që mund t’a imagjinojë.Kujtoni seç u bë në Capitoll Hill në Janarin e 2020,Kjo është Amerika bashkë me luftrat e drejta psh.në Kosovë,ose të padrejta si në Irak Libi Siri, Tunizi Marok Afganistan, Vietnam, Hiroshima Nagasaki etj.Jepuni Cezarit atë që i takon dhe thoni të vërtetën rreth asaj që bëjnë ata.Motoja e tyre:Bëni si them unë por mos bëni si bëj unë.Popujt janë të pafajshëm.Të fajshme janë qeveritë e tyre që diktatin ekonomik e =me diktatin politik.Kush ka ekonominë e fortë pra =me para ka dhe politikat e saj shumë të forta gjeopolitike.