E keni menduar ndonjëherë se pse balenat kërcejnë e hidhen mbi sipërfaqen e ujit ku notojnë herë pas here? Një studim nga “Marine Mammal Science” ka dalë në konkluzionin se hedhjet e kërcimet që bëjnë mbi ujë balenat nuk janë rastësore, por forma komunikimi të tyre me balenat e tjera përreth.
Çdo lloj lëvizjeje e balenave shpjegohet nga shkencëtarët si forma specifike mesazhesh të caktuara.
Ngritja e bishtit, kërcimi me bark ose kurriz e lëvizje të ndryshme në ujë i ndihmojnë balenat që të komunikojnë me të ngjashmet e tyre për ndonjë rrezik të mundshëm ose një mesazh të caktuar që ato duan të përcjellin.
Megjithatë, nuk dihet qartësisht se çfarë duan të thonë balenat me sjelljet e tyre.
