Dega e Partisë Socialdemokrate në Fieri nuk do të ndjekin kreun e tyre Skënder Gjinushi për të mbështetur në zgjedhjet vendore të 21 Qershorit kandidatin e pavarur në këtë bashki, Albert Cacin. Kjo është bërë e ditur nga Kreu i PSD-së së Fierit Ymer Goga i cili theksoi se Këshilli Drejtues vendosi që në zgjedhje të mbështesë kandidatin e ASHE-së Armando Subashi.
Po ashtu Këshilli Drejtues vendosi që në listat e këshilltarëve për Këshillin Bashkiak të mbështeten emrat e propozuar nga PSD. Sipas degës së Fierit, Gjinushi ka manipuluar dokumentacionin e partisë në lidhje me emrat e kandidatëve për kryetar Bashkie dhe për këshilltarë.
