Partia Socialiste në një dalje për mediat, ka akuzuar premtimet e pambajtura të kreut aktual të bashkisë së Tiranës Lulzim Basha.
Në një dalje për mediat, deputetja Blerina Gjylameti tha se një nga premtimet më të mëdha të Bashës, por që kurrë nuk u bë realitet është edhe mbulimi i gjithë kryeqytetit me Ëi-Fi falas.
Sipas Gjylametit, kjo është një ndër të shumtat premtime të pambajtura për kryebashkiakun demokrat.
Më poshtë deklarata e plotë e Blerina Gjylametit:
Të numërosh premtimet e pambajtura të Lulzim Bashës në Tiranë është vërtet punë e gjatë. Të numërosh premtimet e mbajtura të Lulzim Bashës nga ana tjetër është punë e lehtë sepse për të thënë “asgjë” duhen veç pak sekonda.
Një nga premtimet e bujshme që bëri Luli për Tiranën ishte krijimi i zonave të lira Ëi-fi, pra i zonave me lidhje interneti falas për të gjithë qytetarët, e veçanërisht rininë. Sot nga ky projekt nuk ka mbetur më asgjë. Me shumë gjasa e ka harruar edhe vetë Luli.
Nuk është çudi që pas pak të shihni në ekrane ndonjë zëdhënëse të Lulit duke e përgënjeshtruar këtë të vërtetë e duke na treguar se sa çun me vizion është Luli, e sesi i ka dhënë Tiranës fizionominë e një qyteti modern europian, sesi ka realizuar jo vetëm zonat e lira ËI-FI por edhe projektin e tramit e të bulevardit. Prandaj, i ftojmë qytetarët të mos na besojnë ne, por të provojnë vetë të lidhen me internetin falas të Lulit.
E vërteta natyrisht është se Lulzim Basha i mashtroi qytetarët e Tiranës me gjithfarë premtimesh që nuk kishte kurrë ndërmend t’i mbante. Të mos kishte mbajtur një apo dy premtime, edhe i falej. Problemi është se s’ka mbajtur asnjë duke filluar që nga më ambiciozet e duke vazhduar deri tek ato më modestet, siç është rasti i internetit falas. Në fakt, e vetmja punë që ka arritur të bëjë Luli në bashki është të paguajë rrogat e administratës së bashkisë.
Luli i iku garës së Tiranës duke u fshehur pas një kandidati që nuk e merr njeri seriozisht. Por në 21 qershor vota e qytetarëve të Tiranës gjithsesi do të jetë një votë kundër Lulit. 21 qershori do të jetë një votë që do ta rikthejë Tiranën në drejtimin e duhur pas në makthi katërvjeçar me Lulin kryetar bashkie.
Redaksia Online
(JavaNews.al)
