Ish-kreu i SHISH, Fatos Klosi, shprehet se profesor Servet Pëllumbi gabon kur thotë se Partia Socialist i fiton zgjedhjet pa Lëvizjen Socialiste për Integrim dhe këtë e kanë vertetuar numrat dhe ballafaqimet elektorale. Madje Klosi thotë se mirë do të ishte që të ishin në një parti të vetme me orientim të majtë.
“Unë e shoh të gabuar këtë deklaratë të profesor Pëllumbit, sepse as PS dhe as LSI nuk kanë këllqe të marrin pushtetin të vetme. Shyqyr që ato u treguan të arësyeshme, që gjetën rrugën e kompromisit, i cili për mua ishte i arësyeshëm, sepse ato mbahen si forca të majta. Ndërsa kompromisi mes LSI dhe PD më duket i paarësyeshëm dhe më duket një kompromis interesash, është një kompromis afatshkurtër. Me thënë të drejtën kam edhe dëshirën që këto dy forca të janë bashkë si parti me orientim të majtë”, thotë Klosi për gazetën Panorama.
I cili bën dhe një llogaritje nujmra ndërsa komenton dhe lajmet në media që tentojnë ti shohin të përçarë dhe të ndarë. “PS nuk fiton dot pa LSI. Rezultati i zgjedhjeve të kaluara ishte i mirë për PS, u bë një propagandë shumë e madhe, u hodhën treg alternative, Rilindja dhe ja ku jemi. PS ka 56 deputetë dhe janë fare të pamjaftueshëm për të qeverisur më vete. LSI ka një numër jot ë vogël deputetësh, gjithsej 20 deputetë, çamët kanë 5 deputetë. Por vetëm është vështorë, bashkë e bëjnë qeverisjen më solide. Deri më tani ajo ka qënë e qëndrueshme, pavarësisht se mediat tentojnë ti shohion ata të inatosur, të përçarë, por unë shoh lëvizjet, si të Metës dhe të Ramës, të mënçura për ta mbajtur këtë koalicion. Pa këtë aleancë, as njëri as tjetri nuk do të jenë kaq të rëndësishëm sa janë sot”, deklaron ish-kreu i SHISH.
Ai shprehet dhe kundër deklaratës së analistit Mustafa Nano, sipas të cilit kryeministri Edi Rama duhet të largohet, pasi po fut plehrat e botës në Shqipëri dhe po bashkëpunon me këdo.
“Të bësh një akuzë të tillë, mua më duket shumë e rëndë. Jo se nuk mund ta bëj vetë, por do të doja më shumë argument dhe fakte që akuza të qëndrojë, kush janë grupet e interest etj. Nëse ti e merr me mend një gjë të tillë, nuk mund të kërkosh largimin e Kryeministrit nga një hamendësi. Do ta dëgjoja me shumë interes nëse do të thonte se ky grup interesi ka vënë në lëvizje Kryeministrin për të lejuar importin e mbetjeve në Shqipëri. Nuk besoj që do të lejojë njeri të digjen plehrat në Shqipëri, sepse është gjë që kuptohet menjëherë nga vetë qytetarët. Nëse dpo të shkelet ky ligj në praktikë, atëherë diku do të çohen për t’u djegur. Kjo gjë do të merret vesh nga komuniteti lokal ku do të ndërtohet ky incerenator. Pra nuk ka asnjë shans të digjen plehra të huaja në Shqipëri”, deklaron Klosi.
Panorama/d.i.
