Akuzave të shumta për abuzimet me tendera, PS duket se ka vendosur t’u përgjigjet me denoncime në të cilat sipas saj vërtetohen abuzimet e familjarëve të kreut të PD Lulzim Basha.
Deputetja e Partisë Socialiste Klodilta Herhati deklaroi se kreu i PD Lulzim Basha gjënjeu kur deklaroi se kunati i tij nuk ka kompani konsulence.
Në një deklaratë për media deputetja e PS u shpreh se kunati i Bashën ka 6 kompani. Deputetja tha se në këto kompani, sigurohen fitime kolosale, por deklarohen shifra minimale te tatimet për të shmangur detyrimet.
“Lideri i opozitë doli në televizion dhe mashtroi publikun, kunati i tij, Erjon Isufi zotëron 6 kompani të mëdha reklamash. Një rrjet kompanish, që fitojnë mori të ardhurash, por në fund deklarojnë se fitojnë sa bizneset e vogla”, tha ajo.
Duke iu referuar deklaratave të kreut të PD-së në lidhje me strategjinë se si duhet kontrolluar të ardhurat e firmave, ajo theksoi: “Kunati i Bashës pasurohet çdo ditë, sepse po përdorin dy standarde. A thua vallë kunati i Lulzim Bashës kërkon të marrë më shumë dhe për këtë do të përdor altoparlantin e Partisë Demokratike. Ne nuk mund të lejojmë lojën me maskat të PD-së. Koha e rrumpallës dhe e grabitjes së bizneseve ka marrë fund”, shtoi Ferhati.
Më tej ajo u shpreh se ligji antimafja i propozuar na PD për biznesin ka si për qëllim që Basha t’i vërë gjobë këtij të fundit.
