Në një intervistë për emisionin “Ngjarja Kryesore” në RTSH 1, Florian Pullazi, kandidati për deputet i Partisë Socialiste, u shpreh se PS është një parti e mirëorganizuar dhe do të marr një rezultat shumë pozitiv nga të rinjtë që votojnë për herë të parë më 11 maji.
Sakaq ai tha se partia ku ai aderon ka gjithë infrastrukturën e nevojshme për ta pasur mbështetjen e të rinjve por dhe të diasporës që votojnë për herë të parë.
“PS besoj se ka infrastrukturën, i ka energjitë , i ka dhe të rinjtë për ti afruar në parti këtë grupmoshe dhe do marrim një rezultat shumë të mirë nga këta votues.”
Pullazi u shpreh se një pjesë e mirë e atyre që jetojnë në vendet kufitare me Shqipërinë dhe që janë regjistruar këtë herë në platformën e KQZ-së, kanë dhënë kontributin e tyre në zgjedhjet e mëparshme në vend duke qenë të pranishëm këtu.
