Deputeti demokrat në Kuvendin e Shqipërisë, Myslim Murrizi, ka bërë një deklaratë të fortë në emisionin “Arena”, teksa është shprehur se ditën që PD ka dorëzuar mandatet, edhe PS donte të shkonte në zgjedhje, por nuk i kanë lënë.
Sakaq, ai tha se thashmë “zyrtari i DASH nuk flet më për zgjedhje, por për burgje”.
“Pas gjithë breshërive të vendimeve të Byrosë Politike të PD, për shpalljen armik, thashë këta erdhën për ta rrëzuar Ramën dhe më rrëzuan mua. Unë nuk shoh që zgjedhjet e parakohshme janë vetëm në dorë të shqiptarëve, në bindjen time me aq informacione sa kam, ditën që PD e ka braktisur kuvendin, ka pasur dëshirë edhe kjo mazhorancë të ikte dhe vendi të shkonte në zgjedhje, nuk i kanë lënë.
Nuk i kanë lënë, dhe po ta shikosh ka dy ditë që zyrtari i DASH nuk flet më për zgjedhje, por për burgje. Si duket edhe në burg do me i mbajt mirë këtë pjesën e baballarëve të tyre. Ka ardhur enkas për burgje”, tha deputeti Myslim Murrizi.
