Listës së atyre që kundërshtuan ditën e djeshme në mbledhjen e PS shtyrjen me dy muaj të Kongresit të Partisë, i shtohen edhe Ministri i Brendshëm Sajmir Tahiri por edhe Ministri i Jashtëm Ditmir Bushati.
Mësohet se Sajmir Tahiri ka thënë se “ nuk do të shtyjmë kongresin e Partisë, që e ka vendosur Asambleja Kombëtare sepse këtë e do Koço”
Këtë qëndrim kanë mbajtur dhe mbështetur edhe Ministrat Bushati e Klosi, të cilët ishin të pranishëm në mlbedhje.
Po ashtu, i pari që ka kundërshtuar ka qenë kreu i grupit parlamentar të PS Gramoz Ruçi i cili ka thënë se “s’kam asnjë mendim për sa kohë ju dhe Koçoja e keni diskutuar dhe vendosur për kongresin”, duke ju përgjigjur kështu Ramës për pyetjen që ka bërë ky i fundit për mundësinë e shtyrjes së Kongresit.
Pas këtyre deklarimeve, Rama ka kërkuar që propozimi të diskutohet në takimin e së premtes, ku do të marrin pjesë në mbledhje të gjithë kordinatorët organizativë për 6 rajonet e vendit.
Në mbledhjen e përjavshme, ishin të pranishëm kryesocialisti Rama, kryetari i Asamblesë Kombëtare Gramoz Ruçi, zv.kryeministri Niko Peleshi, koordinatorët rajonalë Sajmir Tahiri, Koço Kokëdhima, Lindita Nikolla, Ditmir Bushati, Blendi Klosi, Taulant Balla dhe krybashkiakët Erjon Veliaj, Dritan Leli dhe Vangjush Dako.
