“Dështimi i Lulzim Bashës si kryetar bashkie është i gjithanshëm. Asnjë kryetar bashkie më parë nuk ka shënuar rekordin e Lulit për premtime te pambajtura.”
Kështu ëshët shpehur në një deklaratë për mediat nga selia e PS, deputeti Ervin Bushati.
Bushati tha se Basha si në çdo drejtim tjetër ka dështuar edhe në mbledhjen e të ardhurave në bashkinë ë kryeqytetit.
“Në 2011 premtoi se do të rriste të ardhurat e Bashkisë Tiranë me “të paktën 2.5 herë”. Ky ishte padyshim një nga premtimet më të rëndësishme të Lulit.
Por natyrisht Luli ka dështuar edhe në këtë pikë. Ka dështuar në mënyrë dramatike.
Ja se cfarë thonë të dhënat e vitit 2013 të publikuara në Relacionin e Realizimit të Buxhetit për vitn 2013, një dokument i hartuar nga vetë Bashkia që Luli drejton.
Lulzim Basha ka arritur të mbledhë vetëm 58.7% të të ardhurave për vitin 2013. Thënë më shkoqur Lulzim Bashës i mungojnë plot 40 milionë dollarë për vitin 2013.
Qytetarët janë mësuar tanimë me refrenin e Lulit se ai ka dështuar meqë nuk ka pasur mbështetjen e qeverisë. Por e vërteta është se për këto 40 milionë dollarë të munguara faji është thjesht e vetëm i Lulit. 40 milionë dollarë projekte të munguara në shërbime, infrastrukturë, parqe, gjelbërim, turizëm e kulturë.”, tha Bushati
Sipas deputetit socialist, arsyeja e dështimit të Bashës është se ky i fundit ka qenë i zënë më punët në PD dhe punën në Hollandë, duke lënë mënjanë punët e kryeqytetit, ndaj më 21 qershor qytetarët do i japin mesazhin e duhur Bashës duke votuar për Erion Veliaj i cili do ta çojë qytetin në drejtimin e duhur.
“Arsyeja është e thjeshtë: Luli ka qenë shumë i zënë me punë të tjera. Mes punës në Holandë dhe punës si Kryetar i Partisë Demokratike Luli thjesht s’ka pasur kohë të merret me punët e Bashkisë dhe problemet e qytetarëve të Tiranës.
Në 21 qershor qytetarët do të kenë një mesazh të thjeshtë për Lulzim Bashën. Qytetarët kërkojnë një kryebashkiak që të punojë për ta cdo ditë të javës e cdo orë të ditës. Pas 21 qershorit Tirana do të jete në drejtimin e duhur. “, mbyll deklaratën Bushati nga selia e Partisë Socialiste.
