PS analizon 21 qershorin: Çfarë shkoi mirë dhe keq!
Partia më e madhe e pozitës po nis një seri analizash për zgjedhjet e fundit lokale, të cilat i dhanë fitore në shumë qendra të mëdha, por shënuan edhe humbje që e vunë përballë opozitës, pro edhe aleatit të saj kryesor LSI. Këto shifra do të jenë objektivi i një analize kapilare në të gjitha nivelet e përfaqësimit të partisë.
Prej sot PS ka nisur një valë takimesh në bazë, në strukturat e saj, të cilat do të përmbyllen sipas vendimit të Asamblesë, në 10 shtator. Mbledhjet në strukturën bazë të partisë, do t’i lënë më pas vendin zgjedhjeve në parti. Do të zgjidhen krerët e PS për çdo bashki në të gjithë vendin. Një temë tjetër e kësaj fushate post-elektorale do të jenë anëtarësimet në parti. Në këtë proces marrin pjesë deputetët, si dhe 15 grupe pune të krijuar me anëtarë të vjetër të PS dhe delegatë të Kongresit.
