Familja Hunçi në Skroskë të Prrenjasit jetonte në kushte ekstreme varfërie. Shtëpia e shkatërruar mund të shembej nga një moment në tjetrin dhe të rrezikonte dhe jetën e dy bashkëshortëve. Me angazhimin e Kryetarit të të Grupit Parlamentar të Partisë Socialiste, Taulant Balla, banorëve të fshatit dhe të bizneseve që u solidarizuan, kjo familje gëzon një shtëpi të re dhe dinjitoze.
Balla dhe deputeti Nuri Belba ishin pranë familjes Hunçi në Prill të këtij viti dhe pasi panë gjendjen alarmante u angazhuan së bashku me kryetarin e fshatit, banorë e biznese për t’i ndërtuar kësaj familje një shtëpi të re. Tashmë, pas pothuajse 7 muajsh, familja Hunçi në Skroskë të Prrenjasit jeton në kushte normale.
Në fjalën e tij, Balla falenderoi deputetin Belba për angazhimin dhe të gjithë firmat private që kontribuan për ndërtimin e shtëpisë.
“Vëmendja jonë është për njerëzit dhe nuk ka gjë më të rëndësishme për një familje shqiptare sesa një shtëpi. Kushtet e shtëpisë së vjetër me të renë nuk kanë të krahasuar. Fshatin Skroskë unë e marr gjithmonë si shembull për organizimin shumë të mirë, faleminderit të gjithë banorëve të Skroskës. Do të kishte qenë mirë që edhe Bashkia të kishte dhënë kontributin e vet, por kjo nuk është diçka që na takon ta diskutojmë sot”, thas Taulant Balla.
Edhe për deputetin Nuri Belba kontributi që i kanë dhënë banorët e Skroskës njëri tjetrin është për t’u vlerësuar. Premtimi që ju dha familjes Hunçi u bë realitet dhe kjo falë kontributit të të gjithë banorëve të zonës.
