Kryetari i Grupit Parlamentar të Lëvizjes Socialiste për Integrim, Petrit Vasili, paralajmëron se edhe sot mund të ketë trazira, siç ndodhi në Kalimash.
“Çdo lloj marrëzie mund të ndodhi. Siç ndodhi në Kukës mund të ndodhë prapë.
Nëse policia e ka zgjidhur që të hyjë në konflikt me të gjithë qytetarët le të hyjë. Nëse e mendon se me 8 mijë trupa t’u kundërvihet mijëra qytetarëve le t’u kundërvihet.
Kjo polici ka rekorde negative. Në rast se kjo polici me këtë moral të kompromentuar rëndë hyn në konflikt me popullin, le të hyjë”, tha Vasili.
“Policia e inkriminuar shkel çdo ligj dhe që dhunon e rreh qytetarët, që i arreston qytetarët në mes të natës në gjumë, që gjakos deputetët, ka gojë dhe flet për ligj. Jazëk”, shkruan Vasili.
Opozita ka paralajmëruar sot bllokimin e rrethrrotullimit teBradasheshit për Lindjen, në Elbasan, rrethrrotullimin në Çermë për Jugun, rrethrrotullimin ne Milot për Veriun dhe në Vorë për Shqipërinë e Mesme./a.m.
