Maturantët kanë vijuar protestën e tyre para Ministrisë së Arsimit, në shenjë kundërshtie për testin e Gjuhës Shqipe dhe Letërsisë, pasi sipas tyre ishte jashtë programit.
Protestuesit, ndryshe nga dje, ditën e sotme kanë bllokuar rrugën e Durrësit, ku kërkojnë nga MARS plotësimin e dy kërkesave; rivlerësimin e testit të Gjuhës dhe Letërsisë dhe uljen e dhe uljen e pragut për notën 9 dhe 10.
Ndërkohë, një tjetër maturante që protestonte pohoi se protestuesve iu është marrë emri, ndërsa e cilësoi këtë veprim një presion. Mes të tjerash ajo kërkoi që derejtoresha e Qendrës së Shërbimeve Arsimore (QSHA), Rezana Vrapi, të kërkojë falje publike. “Ne nuk e kemi fare frikë që të identifikohemi. Por protestuesve iu është kërkuar emri dhe mbiemri. Drejtoresha e QSHA duhet të kërkojë falje publike, pasi na ka shkaktuar dëm të madh psikologjik”, tha ajo.
Një tjetër protestues i bëri thirrje qytetarëve që t’i bashkohen protestës.
“Shkruhet fati Emër dhe Mbiemër, me bar kode ne tezen e provimit. Duhet të hiqet emri nga provimi. Nuk duhet të vihen në presion…Unë ftoj të gjithë, intelektual që të na bashkohen. Ndoshta nesër do të bëjmë një marshim i madh. Nuk duhet t’u shkatërrohen ëndrra maturanteve”, tha protestuesi.
“Ne kërkojmë të drejtën tonë. Kërkojmë rivlerësim të restit. Dil në bulevard Shahini. Shkolla është e jona, jo biznes privat”, tha një maturant.
“Nuk e dimë ende nëse do të futemi në provimin e së hënës. Po ecim me hapa të shkurta. Ne nuk jemi anëtar partie. Nuk kemi bërë thirrje partiake. Ne kemi jemi studentët elitë”, tha një tjetër.
g.kosovari
