Maturantët që ngelin në një ose disa provime të maturës kanë mundësi të testohen në fundin e muajit gusht, deri në javën e parë të shtatorit.
Ministria e Arsimit dhe Sportit ka caktuar datat e provimeve të vjeshtës. Ato nisin me Gjuhën Shqipe më 26 gusht, tri ditë më pas është provimi i Matematikës, ndërsa më datë 1 dhe 6 shtator do të jepen provimet e Gjuhës së Huaj dhe lëndët me zgjedhje. Si kohëzgjatja dhe hartimi i testit do të jenë të njëjta me ato të sesionit të parë.
Sipas udhëzimit të firmosur nga ministrja Lindita Nikolla, provimet e lëndëve me detyrim zgjasin 2 orë e 30 minuta, ndërsa ato me zgjedhje 3 orë. Seicili test përmban 25 pyetje, nga të cilat 13 me alternativa që vlerësohen përkatësisht me nga një pikë dhe 12 të tjerat me zgjidhje, dhe që përmbajnë 37 pikë nga testi me 50 pikë në total.
