Të rinjve që protestojnë tek Parku i Liqenit për të mos lejuar ndërtimin e këndit të fëmijëve, i cili sipas tyre do e betonizojë këtë zonë, u ka rënë në sy një punonjëse e policisë.
“Qytetarët për Parkun” që njihet si faqja e protestuesve shkruan se një police bashkiake u ka bërë përshtypje me buzëqeshjen e saj të sinqertë dhe sytë ekspresivë.
“Atë ditë pjesa më e madhe e policëve ishin të rinj e të reja, por kishte edhe burra e gra, ku shumë prej tyre mund të jenë prindër ose edhe gjyshër. Më ra në sy portreti i kësaj vajze me uniformë policie, sy ekspresiv, buzëqeshje e sinqertë dhe tipare të një personi pozitiv. Ajo çfarë kishin të përbashkët të gjithë atë ditë ishte fakti se ishin të gjithë njerëz të thjeshtë. Është e trishtë kur mendon se shteti e mbron krimin e vet duke na vënë përballë njerëz të ngjashëm me ne, qytetarit i nxjerrin qytetarin dhe e nxit të konfliktohet me njëri-tjetrin, ndërkohë që krimineli i vërtetë shëtit nëpër Evropë me paratë tona, ndërton vila me paratë tona, bën dasma me paratë tona, blen bluzë Supermeni me parat tona!”, shkruante ky grupim në faqen e tij.
JetaOshQef
