Protesta e opozitës është përshkallëzuar pranë ambienteve të Ministrisë së Brendshme, ku militantët e PD kanë i kanë vënë flakën bunkierit që ndodhet aty pranë. Madje raportohet se flakë ka marrë dhe skela që ndodhet pranë Ministrisë së Zhvillimit Urban. Sakaq, policia është gjendur e papërgatitur pasi protestuesit kanë ardhur nga tre drejtime. Deri më tani forcat speciale të policisë nuk kanë larguar protestuesit, të cilët janë mbledhur pranë bunkierit që po mer flakë.
(Kush e bëri thirrjen për të shkatërruar bunkierin)
Thirrjen për të shkatërruar bunkierin e bëri Besim Ndregjoni, kreu i Shoqatës Mbarëkombëtare të të Përndjekurve Politikë. Menjëherë pas mbarimit të fjalimit të Lulzim Bashës Ndregjoni bëri thirrje që protestuesit të shkojnë për të shkatërruar simbolin e së “keqes”.
2:33 Një sërë protestuesish i janë drejtuar memorialit të Azem Hajdarit, për të nderuar figurën dhe rëndësinë e tij në Lëvizjen e Dhjetorit
2:28 Protestuesit kanë nisur të fusin dërrasa brenda bunkierit për të mos lënë që zjarri të shuhet. Sakaq, protestusit vijonë të godasin bunkierin në tentativë për ta shembur atë.
2:14 Si duket pamja e Kryeministrisë pas Protestës së opozitës
2:02 Njëri prej protestuesve mundohet që të prishë bunkierin duke e goditur me një mjet të fortë hekuri. Pas këtij akti një së protestuesish fillojnë të godasin bunkierin me mjete metalike.
1:50 protestuesit qëllojnë me gurë drejt Ministrisë së Mbrojtjes
1:45 Basha e Berisha mbërrijnë në vendngjarje/ Basha “përshëndet” protestuesit me dy gishta
Protestuesit tentojnë t’i vënë flakën bunkierit pranë Ministrisë së Mbrojtjes.
1:30 Xhamat e Ministrisë së Transportit janë goditur dhe thyer.
1:25 Vijnë forcat speciale të policisë.
1: 20 Pas përfundimit të protestës në bulevardin dëshmorët e kombit, dhe mbarimit të fjalës së Lulzim Bashëss u bë thirrje që protestuesit të drejtohen tek bunkieri që po ndërtohet pranë Ministrisë Brendshme.
Grupi i të rinjve të korpusit rinor Azem Hajdari momentalisht po shkul llamarinat që mbulojnë kantierin e ndërtimit ku po ngrihet bunkieri i cili do të shërbejë si një kalim për tunelet e nëndheshme të ndërtuara në kohën e komunizmit. Sakaq, policia ka ardhur në vendngjarje.
Disa protestues janë përplasur me policinë gjatë protestës së opozitës. Disa persona janë shoqëruar nga policia. Protesta e opozitës është tensionuar pasi një sërë simpatizantësh të PD kanë nisur të gjuajnë drejt ndërtesës së kryeministrisë, fillimisht me vezë, e më pas me shkopinj, gurë. Disa protestues kanë hedhur edhe gaz lotësjellës me ngjyrë blu. Sipas informacioneve paraprake, policia ka shoqëruar disa persona.
Madje, njëri ndër protesturesit ka mundur që të çajë kordonin policor, duke hipur në sheshpushimin e Kryeministrisë për të valëvitur flamurin e PD. Protestuesit kanë bërë thirrje “ Azemi është gjallë”, si dhe kanë brohoritur disa herë emrin e Sali Berishës. Sakaq, në fjalimet e tyre, eksponentët e PD kanë kërkuar dorëheqjen e qeverisjes dhe zgjedhje të parakohshme.
1:15 Pas fjalës që mbajti lideri i opozitës Lulzim Basha, turma është drejtuar për tek Ministria e Brendshme për të prishur bunkerin e vendosur atje.
13:09 Basha thirrje: Ka nisur ora e mosbindjes civile. ngrihuni në këmbë qytetarë. Rama duhet të largohet.
13:00 Protestuesit përplasen sërish me forcat e policisë pranë Kryeministrisë. Mesa duket një grup protestuesish kërkojnë që të vënë një banderolë të madhe në sheshpushimin e Kryeministrisë. Policia nuk i ka lejuar protestuesit të ngjiten.
12:57 Lulzim Basha: Sot në ditën tonë më të bekuar, jemi mbledhur ë këtë marshim, në këtë referendum të jashtëzakonshëm të qytetarëve të lirë, për të kërkuar njëzëri si një trup i vetëm, largimin e qeverisë Rama Meta dhe krijimin e një qeverie teknike që do të bëjë gati zgjedhjet e parakohshme Parlamentare.
Dy zgjidhje ka, ose të pranojmë largimin e qeverisë ose të largohen shqiptarët. Nuk duhet ti japim më kohë qeverisë së Edi Ramës me 40 hajdutët e tij.
12:42 Djali i Azem Hajdarit Sot kam nderin të flas para jush, para burrave, grave e studentëve fisnikë që kanë guximin ti thonë ndal kësaj qeverie. Kjo qeveri nuk punon p[ër interesat e të rinjve. Sot jemi bashkë për një qëllim, të mbrojmë lirinë, demokracinë, sepse ky ishte ideali i rilindasve të vërtetë.
Disa foto nga përmasat e Protestës
12:38 Angjelina Gjeka(Mbesa e At Zef Pllumit): Kam dhënë për vendin tim. Jam bashkuar në këtë protestë dhe ndaj me ju të njëjtat halle. Sikur të mos mjaftonte kjo, erdhi lajmi i hidhur se qeveria Rama ka dekoruar ekzekutorin e At Zef Pllumit. Ne nuk e meritojmë këtë sjellje, dhe kërkojmë nga Rama që të tërheqë këto dekorata e të kërkojë falje publike. Nderi është pasuria e vetme që kemi nga të parët tanë.
Ora 12:30 Thyhet neoni mbi derën kryesore të kryeministrisë
Mësohet se protestuesit kanë qëlluar më gurë në drejtim të Kryeministrisë, duke thyer kështu dhe ndriçuesit e godinës. Sakaq, protestuesit e dhunshëm janë shoqëruar në polici, ndërsa nuk dihet ende numri i saktë i tyre
12:29 Grida Duma: Shqiptarë e shqiptare, demokratë e demokrate, varfëria nuk është blu, nuk është rozë, varfëria është e zezë dhe e zezë është hija që qëndron mbi shqiptarët sot. Shqiptarët po prekin sot fundin me varfërinë e tyre. Si mundesh ti Kryeministër që të shkelësh mbi besimin e një milionëve dhe të qeverisësh mbi varfërinë e dy milionëve.
12:24 Dashamir Shehu: Kjo qeveri e ka mbaruar incerinë e saj. Kjo qeveri nuk e ka kuptuar se nuk është këtu për të sunduar. Këta mendojnë se mund të na sundojnë neve. Nuk mund ta sundojnë Shqipërinë një grup njerëzish.
12:23: Protestuesit djegin dordolecin me një foto të Edi Ramës
12:15 Aldo Bumçi: A keni dëgjuar ndonjë fjalë të mirë që të dalë nga goja e këtij kryeministri? Sa erdhi në pushtet rriti çmimin e energjisë elektrike, rriti çmimin e naftës. Ky është kryeministri që do të mbahet mend se mbylli shkolla dhe hapi burxhe. Në vitin 2015 u mbyllën 70 mijë vende pune, pse duhet të presim edhe një vit që të mbyllen përsëri mijëra vende pune? Ka vetëm një zgjidhje, protestë protestë protestë. Duhet një qeveri teknike
12:10 Protestuesit lëshojnë tymues drejt Kryeministrisë. Forcat policore i largojnë nga ambientet pranë kryeministrisë.
Ora12:09 Një protestues ngjitet në sheshpushimin e kryeministrisë duke çarë kordonin policor. Protestuesi ka valëvitur flamurin e PD. Më pas forcat policore e kanë larguar simpatizantin e PD.
11:58 Protestuesit djegin dhe grisin pankartat me foto të Edi Ramës
11:52 Edmond Spaho Të ikë qeveria, të ikë Rama e Meta dhe të zhvillohen zgjedhje të parakohshme. Si në 8 dhjetor 1990, edhe fundi juaj po vjen.
11:45 Protestuesit thërrasin në kor “Azem ti je gjallë” dhe “Rama zhduku”.
11: 43 PROTESTUESIT GJUAJNË ME VEZË DREJT GODINËS SË KRYEMINISTRISË
11:41 Arben Ristani: Zemërim e protestë që na del nga shpirti kur shohim se familjarë vetëvriten se nuk paguajnë dot energjinë elektrike. Ndërkohë që 400 mln euro, banda kriminale në pushtet i vjedh nga doganat. Shqiptarët ikin si Sirianët, si në kohë lufte. Ikin për shkak të Ramës e Metës.
Ora 11:32 Gent Strazimiri: Jemi në këtë shesh për ti dhënë paqe atdheut. Motra dhe vëllezër, 25 vjet më parë dukeshin shumë të fortë, e mbajtën 46 vjet nën thundër këtë vend, dukeshin të fortë sepse ishin të lidhur me Beogradin, dukeshin të fuqishëm sepse më pas ishin të lidhur me Stalinin, dukeshin të fortë sepse ishin me Kinezët…Sot janë po ata qelbësira që duken të fortë sepse aleancën e kanë bërë me krimin.
Protestuesit mblidhen në sheshin Skëndërbej
Protestues të ardhur nga të gjitha qytetet janë mbledhur tashmë pranë kryeministrisë
1500 forca policore në gadishmëri
Forcat policore ndodhen prapa Kryeministrisë në rast të përshkallëzimit të protestës
Kordoni policor pranë Kryeministrisë me efektive femra
Kordoni i parë i policisë është i përbërë nga efektive femra ndërsa një kordon i dytë efektivësh pëbëhet nga policë meshkuj.
Rrugët e bllokuara nga ana e policisë së shtetit
Në një deklaratë të shpërndarë për mediat, ajo bën me dije për opinionin publik se ka marrë masa për garantimin e rendit dhe sigurisë publike për zhvillimin e marshim – protestës nga ora 11:00 deri në orën 16:00, në sheshin “Skënderbej”, bulevardin “Dëshmorët e Kombit” deri në sheshin “Nënë Tereza”.
Për këtë, policia shton se do të ketë bllokime të pjesëshme të trafikut në rrugët në të cilat do të ketë trafik të kufizuar:
Bulevardi “Zogu i Zi”,
rruga e “Kavajës”,
rruga e “Dibrës”,
rruga e “Elbasanit”,
bulevardi “Bajram Curri”
Po ashtu, policia ka vendosur që të ndalojë parkimin dhe qarkullimin e të gjitha kategorive të mjeteve nga sheshi “Skëndërbej”, bulevardi “Dëshmorët e Kombit” deri në sheshin “Nënë Tereza”.
Protesta pritet që të fillojë në orën 11.00 megjithatë qindra qytetarë pritet që të vijnë edhe nga rrethet.
