Ftesa e kryeministrit Rama për t’u ulur në ‘sofrën’ e dialogut të vendosur para godinës së qeverisë, është refuzuar.
Kjo pasi letrat e vendosura mbi të janë grisur nga kalimtarë të rastit.
Ata kanë vandalizuar sheshin me këtë akt, duke dhënë sërish sinjalin e mohimit dhe përpjekjeve për protesta të dhunshme.
Kryeministri Edi Rama përsëriti edhe sot (24 tetor) që në orët e para të mëngjesit thirrjet për dialog me protestuesit, duke sjellë një tjetër simbolikë para godinës së Kryeministrisë.
Pas karrigeve të vendosura në ditët e mëparshme, të cilat u thyen nga protestuesit këtë herë para zyrës së tij është vendosur një tavolinë me mbishkrimin “Dialog”.
Ai ka vendosur një tavolinë guri, e rrethuar me disa ndenjëse ku janë vendosur fletë me fjalën “Dialog”.
Kryeministri ka publikuar pamjet në rrjetet sociale, duke i shoqëruar me përshëndetjen “Mirëmëngjes”.
Ku gjest i ri simbolik vjen pas tensioneve të dy ditëve të fundit, kur Rama kishte nxjerrë karrige para Kryeministrisë si një ftesë simbolike për t’u ulur dhe për të biseduar me protestuesit.
