Qytetarë, të mbështetur nga shoqëria civile zhvilluan protestën me mesazhin “Mos ma prek Dyrrahun”. Protestuesit kërkuan ndërprerjen e punimeve për ndërtimin e velierës, duke akuzuar kryetarin e bashkisë së Durrësit Vangjush Dako se me vendimet e tij po shkatërron vlerat arkeologjike të qytetit bregdetar.
Mirela Jorgo, perfaqësuese e protestës: Janë koshientë për murosjen e qytetit të tyre, po murosen vlerat antike të vlerat antike të popullit antik shqiptar. Durrësi nuk është vetëm i durrsakëve, Durrësi është i gjithë Shqipërisë, i përket të gjithë shqiptarëve. Durrësi duhet të bëhet koshient dhe gjithë popullata shqiptare që po varroset origjina e kombit shqiptar.
Arkeologët i vlerësojnë gjetjet e reja historike në Durrës si një pjesë e rëndësishme e trashëgimisë kulturore historike që nuk duhet varrosur. Ata po zhvillojnë punime në vendin ku dolën rrënojat, me qëllim çertifikimin e këtyre vlerave arkeologjike.
Gjatë punimeve për pastrimin e themeleve të godinës otomane të shekullit XIX, që u gjetën në një pjesë të sheshit para portit të Durrësit, aty ku më parë ndodhej kompleksi i statujave të këngëtarëve të muzikës botërore, kanë dalë në dritë dhe objekte të tjera pjesë e trashëgimisë historike të qytetit./oranews/a.k
