Mijëra protestues në Paris dhe në shumë vende të tjera të botës, kanë protestuar këtë të dielë, madje duke shkatuar edhe trazira. Presidenti Hollande ka dënuar aktet e dhunës nga disa protestues në Paris, duke i cilësuar këta të fundit si persona që kërkojnë të hapin probleme.
“Këto elemente destruktive nuk kanë të bëjnë fare me mbrojtësit e ambientit. Ata nuk janë atje në mënyrë që COP 21 tja dalë mbanë, por janë vetëm për të shkaktuar probleme. Është për të ardhur keq, madje skandaloze, që këto protesta u bënë në sheshin e “Republikës” (Place de la Republique), aty ku lule dhe qirinj janë vënë në kujtim të personave të vrarë nga sulmet terroriste të 13 nëntorit”- tha Hollande.
Protestat në Paris dhe anembanë botës janë zhvilluar në vigjilje të mbledhjes së fuqive botërore për të diskutuar mbi mjedisin dhe klimën globale. Protestuesit kërkojnë zgjidhje për situatën e klimës globale.
