Teksa ka qenë i ftuar mbrëmjen e sotme në emisionin “Zonë e Lirë”, Arjan Çani e ka pyetur Robert Aliaj Dragot lidhur me protestat te Astiri.
“Protesta e Astirit kërkon një diskutim paqësor, ai është halli i disa njerëzve që kanë zaptuar pronën publike, nuk është një hall i përbashkët”, është shprehur Aliaj, duke shtuar më tej se ai nuk ka pse paguan taksa për një pronë që është zaptuar nga të tjerë.
“Shqiponja ishte e shëmtuar, ishte një shqiponjë e zezë, një shëmti ku simboli ishte krijuar për t’i mposhtur fare shqiptarët. I zgjuar është ai që rrëmben e përvetëson, mirëpo unë nuk mund të pranoj që të paguaj në taksa për një person që ka vjedhur tokën. Jam me banorët, por duhet të gjejnë një zgjidhje. Ata kanë marrë një risk kur zaptuan hapësirën publike”, është shprehur Robert Aliaj.
/a.r
