Bashkia e Tiranës ka reaguar për herë të parë në lidhje me përplasjet e ndodhura këtë të dielë në mesditë, në lidhje me projektin në Parkun e Liqenit. Bashkia i ka cilësuar protestuesit si një grupim i vogël njerëzish të udhëhequr nga PD, të cilët përmes veprimeve vandale u përfshinë në veprime që sollën dëme ndaj pronës publike.
“Të udhëhequr nga eksponentë të Partisë Demokratike, për të disatën herë kanë dëmtuar pronën e qytetit, duke krijuar dëme materiale dhe vonuar punimet për të ofruar një shërbim të munguar, që është një ëndërr e fëmijëve të qytetit, por edhe e prindërve, gjysheve, gjyshërve tanë. Një minorancë e zhurmshme po i kundërvihet aspiratave të shumicës së qytetarëve që e duan zhvillimin e qytetit.”- thuhet në reagimin e Bashkisë.
Në deklaratën e saj Bashkia shkruan se këta persona nuk duan zhvillimin e Kryeqytetit.
“Janë të njëjtit njerëz që për 4 vjet e lanë qytetin të dergjet në plehra, rrugë e trotuarë të degradojnë, ndriçimin e qytetit dhe të vetë parkut të shuhet, që lanë lokalet të mbijnë si kërpudha në të gjithë hapësirën e parkut, ata që deri dje e hëngrën parkun e Tiranës nga të gjitha anët, që nuk mbollën asnjë pemë e që s’lanë pemë pa hedhur përtokë, që hapën gropa për pallatë shumëkatëshe, të cilat ende i qajnë që ju mbetën veç gropë, sot veshin petkun e dashnorëve të pemëve dhe që sot, duke servirur informacione të pavërteta, duke trumpetuar tmerre të paqena, duan me çdo kusht që Parku i Lodrave për Fëmijët të mos mbarojë.
Ata nuk e duan një zhvillim të tillë, pasi secili sukses i Bashkisë së Tiranës është provë e mëtejshme e dështimit të Lulzim Bashës. Rrugët e pastra tani, tregojnë qartë se ai dështoi me pastrimin; rrugët e riparuara tregojnë se mirëmbajtja është e mundur, por ai nuk dinte ta bënte; çerdhet e rregulluara tregojnë se ai i la pasdore fëmijët e qytetit tonë, e kështu me rradhë për çdo punë të kryer. Kjo është arsyeja e vërtetë përse i janë turrur parkut të lojërave.”- shkruhet në deklaratë.
Në ragim, Bashkia njofton se nuk ka ndërmend që të ndalojë punimet dhe projektet e saj për t’i falur fëmijëve të kryeqytetit parkun e lojërave brenda Liqenit Artificial.
“Bashkia e Tiranës mbetet e vendosur për të vijuar për t’i shërbyer çdo ditë qytetarëve dhe për të sjellë projekte që përmirësojnë cilësinë e jetës së qytetarëve të Tiranës. Aspiratat e qytetit nuk mund të pengohen nga vandalët e zhurmshëm.”- përfundon deklarata.
Paradite nje grup protestuesish u perplasen me forcat e policise. Madje nje grua u qellua nga nje oficer policie, i cili me pas ka sjelle dhe reagimin e Ministrit Tahiri. Ky i fundit ka kerkuar pezullimin e menjehershem te efektivit. Nje numer protestuesish jane derguar ne komisariatin nr 1 dhe pas disa oresh, me pas jane liruar.
Pas ngjarjes ka reaguar dhe Kryeministri Rama, i cili i ka cilesurar protestuesit si te udhehequr nga PD.
