Sot eshte paralajmëruar një protestë para Kryeministrisë, ku studentëve të Tiranës do i bashkohen edhe kolegët e tyre nga rrethet. Protesta mbeshtetet edhe nga PD- LSI, te cilat per kete kane vene edhe autobuz falas per te sjelle njerez ne Tirane. Ne mbeshtetje te protestes jane mbledhur studentë nga Universitetit ‘Aleksandër Xhuvani’ qe deklarojne se do të nisen drejt Tiranës.
Ndërkohë, nga Shkodra raportohet se drejt kryeqytetit janë nisur studentë. Po ashtu, e njëjta situatë paraqitet edhe në Korçë. Grupe të veçanta studentësh janë nisur me autobusë drejt Tiranës te vena falas ne dispozicion nga PD- LSI.
ELBASAN
Studentë e Universitetit Aleksandër Xhuvani bojktot auditoreve. Studentët u mblodhën para hyrjes kryesore të Universitetit. Pasi u mblodhën aty, ata marshuan rrugëve të qytetit ku iu bashkuan edhe maturantët për t’u silidarizuar me protestën e tyre. Më pas ata udhëtuan drejt Tiranës për t’u bërë pjesë e protestës para Kryeministrisë.
SHKODER
Studentë nga Shkodrës janë nisur drejt Tiranës.Një student ka paguar një autobus për të gjithë studentë.
KORCE
Studentët që kanë zgjedhur të shkojnë në Tiranë po përdorin mjetet e tyre. Nuk kai një numër të caktuar.
GJIROKASTER
Studentëve të Gjirokastrës u janë plotësuar disa pika nga kërkesat e tyre. “Përgjysmimi i tarifës nuk është pikë e kërkesave të studentëve të këtij qyteti, pasi aty çmimet janë më të ulëta. Ata kanë kërkuar kushte më të mira mësimdhënie. Studentëve u është premtuar që do rishikohen dhe kërkesa të tjera. Ndërkohë asnjë student nga Gjirokastra nuk do udhëtojnë drejt Tiranës, por mbështesin kauzën nga ky qytet”, tha ajo.
PD dhe LSI mobilizojnë militantët drejt Tiranës
Studentët kanë paralajmëruar sot sërish protestë para Kryeministrisë, pasi qeveria nuk pranon të plotësojë tetë kërkesat e tyre pa dialoguar apo negociuar më parë. Kjo është dita e 14-të e protestës së studentëve.
Grumbullimi i studentëve do nisë si çdo ditë në orën 10:00 në fakultetet përkatëse dhe në orën 11:00 do të nisë marshimi në këmbë drejt Kryeministrisë. Tubimi në Bulevardin “Dëshmorët e Kombit” do të nisë në orën 11:30 deri në orën 14:30. Refreni do të jetë i njëjtë: “Plotësoni 8 kërkesat”! “Nuk duam dialog”!
Sipas të gjitha gjasave kjo do të jetë protesta e fundit studentore, pasi pas ditës së sotme drejtimin do ta marrë politika me PD-në dhe LSI-në. Kjo pasi menjëherë pas lajmërimit dy ditë më parë nga Këshillat Studentorë për protestën, PD dhe LSI, si dy forcat më të mëdha opozitare, nisën mobilizimin e militantëve në rrethe.
Dje kryetarja e LSI, Monika Kryemadhi zhvilloi një takim në Korçë ku kërkoi mobilizimin e anëtarëve të partisë për protestën e sotme, ndërkohë që Lulzim Basha u bëri thirrje të gjithëve që të bashkohen sot në protestë.
Degët lokale janë porositur që të mbledhin sa më shumë njerëz duke iu garantuar transportin në mënyrë që protesta përpara Kryeministrisë të jetë masive dhe në përputhje me qëllimet e interesat e opozitës./a.meta
