Ish-kryeministri Sali Berisha, ka dhënë një deklaratë për media para pak nisjes së tubimit të paralajmëruar prej tij.
Ai ka thënë se kjo protestë është kundër aleancës triraterale, Beograd-Tiranë dhe Shkup, e cila i kundërvihet sipas tij nismës së Berlinit.
“Sot bashkohen në protestën e tyre të parë më të fuqishme në mbrojtje të interesit të tyre kombëtar të shkelmuar nga regjimi, kreu i meduzës Edvin Rama. Protesta është kundër aleancës triraterale, Beograd me vasalët e tij, Tiranë-Shkup dhe nuk është aspak kundër bashkëpunimit rajonal.
Është kundër kësaj aleance të mishëruar Ballkani i Hapur dhe refuzohet në mënyrë të prerë nga tre vende të tjera të Ballkanit. Kemi të bëjmë me një qëndrim në mbrojtje të interesit kombëtar.
Kjo nismë i kundërvihet në mënyrë flagrante nismës së Berlinit e frymëzuar nga Aleksandër Vuçiçiç dhe Edvin Kristaq Rama. Ballkani i Hapur u themelua nga Aleksandër Vuçiç, por nëse ka diçka të rëndë. Simboli kuq e zi është simboli i përhershëm i shqiptarëve”, tha Berisha.
Më herët, qindra militantë të tij u mblodhën në oborrin e PD ku nuk munduan sharjet dhe fyerjet në drejtim të Lulzim Bashës. Protestuesit patën edhe një konfrontim me deputetin Ervin Salianji, i cili po hynte në selinë blu, si edhe hipën mbi makinat e Bashës e Bardhit.
/a.r
