Në Hagë pritet të zhvillohet protesta në mbështetje të krerëve të UÇK-së, të cilët po gjykohen në Gjykatën Speciale.
Qindra qytetarë janë mbledhur në orët e para të mëngjesit pranë vendit ku mbahen ish-luftëtarët, ndërsa protestë për pak minuta zhvilluan edhe pranë gjykatës ku mbahen seancat gjyqësore, por u larguan pasi autoritetet holandeze nuk kanë dhënë lejen që protesta të mbahet pranë godinës së Gjykatës, por do të mbahet në një shesh disa kilometra më larg.
Të hënën, më 15 shtator, fillon procesi dhe nxjerrja e dëshmitarëve të palës mbrojtëse, ku priten disa nga autoritetet e larta të kohës së luftës. Dëshmitari i parë pritet të jetë James Rubin nga SHBA.
Disa qytetarë që protestuan akuzuan qeverinë Kurti se nuk bëri sa duhet për të mbrojtur Thaçin dhe të tjerët.
