Aktet e dhunës gjatë protestës së djeshme të Partisë Demokratike në Tiranë kanë bërë që policia e kryeqytetit të nisë hetimet duke iu referuar edhe pamjeve filmike.
Blutë e kryeqytetit njoftojnë se nga ana e Drejtorisë Vendore të Policisë Tiranë u morën masat e nevojshme për mbarvajtjen e protestës.
“Protestuesit u konfrontuan me Punonjësit e Policisë Bashkiake dhe të Policisë së Shtetit duke i kundërshtuar fizikisht, më pas duke bërë thirje për veprime te dhunshme. Protestuesit filluan të dëmtonin rrethimin e objektit në ndërtim si dhe kanë dëmtuar mjetet që ndodheshin në brendësi të objektit, mjete këto në pronësi të firmës “Kasel” – njofton policia.
Në njoftim thuhet se është arritur të bëhet identifikimi i personave përgjegjes ku u bë ndalimi i shtetasve:
● Petrit Fejzullai, 48 vjeç, banues në Tiranë.
● Hasan Molla, 50 vjeç, banues në Tiranë.
Njëkohësisht u referuan materialet në Prokurorinë e Rrethit Gjyqësor Tiranë për shtetasit:
• Enno Bozdo, 43 vjeç, banues në Tiranë, si pergjegjes per mbarevajtjen e protestes
• Suzana Dimushi, 37 vjeçe, banues në Tiranë
• Ergys Harkanaj, 39 vjeç, banues në Tiranë
Si dhe u shpallën në kërkim dhe po punohet për kapjen e shtetasve:
•G. Gj., 28 vjeç, banues në Tiranë
•N. B., 49 vjeç, banues në Tiranë
•F. D., 21 vjeç, banues në Tiranë
•S. Rr., 28 vjeç, banues në Tiranë
• Xh. D., 72 vjeç, banues në Tiranë
• I. H., 26 vjeç, banues në Tiranë
Materialet proceduriale i kaluan Prokurorisë së Rrethit Gjyqësor Tiranë për veprat penale “Shkatërrim Prone”, patashikuar nga neni 150 i Kodit Penal, ” Thirrje publike për veprime të dhunshme”, parashikuar nga neni 223 i Kodit Penal si dhe ” Kundërshtimi i punonjësit të policisë së rendit publik”, parashikuar nga neni 236 i Kodit Penal
