Sot në orën 11:00 do të zhvillohet protesta e paralajmëruar e opozitës kundër qeverisë Rama. Prej disa javësh, kreu i Partisë Demokratike, Lulzim Basha, ka udhëtuar në qytete të ndryshme të vendit për t’i ftuar mbështetësit e partisë së tij në protestën që do të mbahet para kryeministrisë.
Basha ështe shprehur disa herë se qëllimi i kësaj proteste është largimi i Edi Ramës, duke i hapur kështurrugën e krijimit të një qeverie tranzitore që do të përgatisë vendin për zgjedhje të parakohshme parlamentare.
Sipas Bashës këto lëvizje do t’i hapin vendit rrugën e integrimit për në BE.
Policia ka paralajmëruar se në protestë ka persona me precedentë penalë dhe ish-të dënuar për krime të dhëna që do të përdorin dhunën por opozita e ka mohuar duke thënë se elementët kriminalë janë në qeveri.
Opozita është deklaruar kundër dhunës por se gjithçka është në dorën e protestuesve. Në protestën e sotme, ndryshe nga sa jemi mësuar nuk do të ketë fjalime.
Ndërkohë që në orët e para të mëngjesit, autobusë e mjete të shumta me qytetarë janë nisur nga 12 qarqet e vendit.
E.Xhangoli/
