Analisti Mentor Nazarko, i ftuar në emisionin “Të Paekspozuarit” në MCN TV, foli për protestën e opozitës, të cilën e konsideron si përpjekje për të prodhuar lajm në mediat ndërkombëtare, se Shqipëria edhe pse synon të integrohet në BE, është një vend ku ka revoltë dhe digjen institucione.
“Ka një vijë konstante në qëndrimin e opozitës, problematizimi ndërkombëtar i problemeve në Shqipëri.
Pra prodhimi i lajmit të Shqipërisë si një vend ku ka protsta të dhunshme, digjen institucuonet, është një lloj konstante e veprimit opozitar. Ndoshta do të testohet një formë, si greva e urisë, çadra e Bashës, e tentoi edhe Lapaj, pra ndoshta do të testohet një formë që synon ta problematizojë imazhin e nje vendi që po i afrohet BE dhe prodhon në mes të kryeqytetit pamje problematike. Opozita po tenton edhe nëpërmjet Berishës, të artikulojë tezën se ky është një narko shtet. Është tezë që nuk qëndron dhe është shkatërrimtare për imazhin e opozitës, jo për imazhin e vendit. Bashkësia Perëndimore e di se sa drogë qarkullon dhe peshën që ka Shqipëria në këtë.
Po flisja me një regjisor që ka bërë film për mafian shqiptare dhe thoshte krimi më i rëndësishëm është krimi i vendeve të ish jugosllavisë dhe nuk quhet Shqipëria narko shtet. Berisha insiston në këto dy direktiva, sepse synon të rezonojë me të pjesë edhe në Amerikë edhe në BE që është e pakënaqur me Ramën, përshembull te e djathta gjermane. Ai thotë ja shikoni kë vend doni të fusni në BE. Pra ky është qëllimi i dëshiruar i opozitës.
Duhet kuptuar edhe frustrimi i opozitës, që me kaq skandale nuk e rrëzon dot qeverinë. Pra tentativë për të problematizuar imazhin e vendit, që ka dhunë dhe mban një kryeministër me kaq shumë skandale”, tha Nazarko.
