I ftuar në emisionin “JAVA” në RTSH, regjizori Kastriot Çipi, një ndër zërat më kritik ndaj iniciativës së qeverisë për transferimin e Teatrit Kombëtar tëk Turbina u shpreh mosbesues ndaj iniciativës së qeverisë, për sa kohë sipas tij “Ministrja Kumbaro ka bër një autogol, duke deklaruar nga njëra anë se Teatri Kombëtar duhet të zhvendoset tek Turbina për arsye se rrezikon të shembet, ndërsa nga ana tjetër thotë se TKOB do të zhvendoset ne godinën e Teatrit Kombëtar”
Çipi theksoi se “projekti për zhvendosjen e Teatrit Kombëtar ka nisur që në kohën kur Rama ka qenë Ministër i Kulturës në vitin 1998. Atëher u tha se ndërtesa do të digjet ose do të shembet. Më pas u tentua me artifice juridike, duke detyruar në në dy persona fizik të trupës së teatrit dhe godinës, në trupë teatrore dhe godinë teatrore. Tani jemi sërish këtu pas 20 vitesh për të diskutuar të njëjtat tema”.
Aktorja Rajmonda Bulku vlerësoi ndërtesën e Teatrit Kombëtar si një “vlerë kulturore kombëtare”, ajo theksoi se nuk do kishte asgjë të keqe nëse trupa e TK-së të spostohesh përkohësisht, por problemi qëndron se nuk ka asnjë garanci për rikthim aty për sa kohë nuk është paraqitur asnjë projekt dhe nuk ka pasur asnjë konsultim me artistët”
Gjatë bashkëbisedimit, analisti Preç Zogaj deklaroi “Ka thuajse 20 vjet që godinës së Teatrit Kombëtar ja ka vëne syrin dikush” duke shtuar se “regjizorët dhe artistët kanë të drejtë të ndihen të fyer për sa kohë ka një mungesë transparence dhe konsultimi me ta”.
Regjizori Kreshnik Çipi e mbylli komentin e tij duke ftuar qytetarët të mbështesin artistët në rezistencën e tyre ndaj këtij vendimi. “Janë gjashtë shoqatat më të rëndësishme të kineastëve kundër këtij vendimi dhe do të qëndrojmë deri në fund për mbrojtjen e Teatrit Kombëtar, por pa mbështetjen e qytetarëve, Teatri Kombëtar do të shembet”
E kontaktuar gjatë emisionit nga analisti Lorenc Vangjeli, Ministrja Kumbaro deklaroi se“Brënda javës së ardhshme do ketë një tryezë të përbashkët me artistët e interesuar”.
