Deputeti i Partisë Demokratike Luçiano Boçi deklaroi se shqiptarët janë mbledhur ditën e sotme në shesh për familjet dhe dashurinë për atdheun.
Ai deklaroi se së bashku duhet të vazhdojmë betejën për të mundur të keqen që na ka pushtuar dhe për të përmbysur regjimin.
“Ajo që na ka mbledhur në këtë shesh nuk është ekzistenca jonë. Por dashuria për prindërit, familjet, jetën qytetarët dhe atdheun. Ajo që na ka mbledhur sot nuk është vetëm vuajtja e atyre që jetojnë sot në vend por edhe dëshpërimi i atyre që duan të largohen.
Ajo që na ka mbledhur sot këtu është besimi se Shqipëria ka burra dhe gra që i dalin zot vetes, atdheut besimit dhe familjes duke luftuar dhe duke u ndeshur. Unë e di mirë forcën e pasionit tuaj revoltues. Forcën e vullnetit tuaj. Revoltën do ta kemi pishtar më marshimin tonë për rrëzimin e kësaj qeverie dhe këtij kryeministri. E gjithë Shqipëria sot është me ju.
E gjithë Shqipëria i ka sytë dhe veshët sot te ju. Së bashku të vazhdojmë betejën tonë. Ta mundim të keqen që na ka pushtuar. Ta përmbysim regjimin dhe të shembim blindat e portave që kanë burgosur ëndrrat tona dhe pas blindave të fusim atë që fshihet duke ikur jashtë shtetit”, deklaroi ai.
