Teksa theksoi se protestat e opozitës do të vijojnë deri në triumf, Sali Berisha kërkoi nga policia që ditën e nesërme të mbajë qëndrim korrekt. Kryedemokrati paralajmëroi se çdo protestues i lënduar do të quhet i persekutuar politik.
“Protestën e nesërme paralajmëroj policinë të mbajë qëndrimin më korrekt. Çdo protestues i lënduar do të konsiderohet i persekutuar politik dhe persekutori i tij do përgjigjet edhe pas 30 vitesh. Paralajmëroj punonjësit e SHIK-ut të kenë shumë kujdes, madje të mos futen fare në turmë”, tha Berisha.
Ai po ashtu shtoi se “opozita kërkon që Shërbimi Informativ Kombëtar të qëndrojnë tërësisht siç përcakton ligji, përndryshe ne e çojmë protestën dhe atje. Tani kemi të bëjmë me institucione të inkriminuara”.
/a.r
