Një Night Club në Tiranë ishte kthyer në strofkullën e prostitucionit, por ndërhyrja e policisë dje bëri të mundur arrestimin e dy meshkujve që merreshin me rekrutimin e balerinave, dhe kthimin e tyre në prostituta brenda ambienteve të clubit.
“Nga kontrolli i ushtruar në Night Club u konstatuan 3 vajza të cilat ishin punësuar si balerina. Njëra prej tyre, M. D, 16 vjeçe, banuese në Durrës, dyshohet të jetë rekrutuar nga shtetasi Xhonatan Terpollari që prej muajit Korrik të këtij viti dhe shfrytëzohej për prostitucion duke i siguruar klientët në ambientin e clubi”, sqaron policia.
Policia ka arrestuar në flagrancë shtetasit: Xhonatan Terpollari, 21 vjeç dhe Florian Bregun, 36 vjeç, si dhe po punohet për kapjen e një të treti. Terpollari i rekrutonte vajzat, ndërsa aksionari i clubit Florian Bregu dhe ortaku i tij negocionin që ato të prostituonin në këmbim të pagesës. “Po kështu është dokumentuar se në të njëjtën veprimtari kriminale është përfshirë dhe ortaku i tij shtetasi L. B, i cili është shpallur në kërkim”,- thuhet në deklaratën e policisë.
BW/d.i.
