Punonjësit socialë dhe grupet e të drejtave të femrave në Gjermani kanë ngritur si shqetësim faktin se në kampet e qëndrimit të refugjatëve po ushtrohet prostitucion dhe ka përdhunime të detyruara. “Situata është e vështirë. Shumë gra dhe femra në kamp nuk shkojnë dot në tualet, pasi bien pre e sulmeve seksuale. Edhe gjatë ditës, ecja në kamp është bërë e frikshme”, ka qenë letra e një punonjëse sociale dërguar parlamentit gjerman.
Punonjësit socialë shprehen se kampi është shndërruar në vend të rrezikshëm, ku ndodhin përdhunime, sulme seksuale dheprostitucion i detyruar. Ata theksojnë se gratë dhe fëmijët emigrantë janë të pambrojtur. Më tej, nënvizohet se gratë që janë të vetmuara bien pre e atyre që i shohin ata si objekt seksual.