Në kuadër të planit kombëtar për mbrojtjen e fëmijëve, një ndryshim ligjor që është propozuar, është edhe neglizhenca e prindërve ndaj fëmijëve, si një formë e dhunës.
Neglizhimi lidhet me mungesën e kujdesit dhe vëmendjes, me ose pa qëllim, nga prindërit/kujdestarët ndaj nevojave të fëmijës për strehë, siguri, mbikëqyrje, ushqim, shëndet dhe arsim, që sjell dëmtim fizik dhe/apo emocional të fëmijës.
Për pasojë, kjo sjell humbjen e besimit tek të rriturit, rezultate të ulta në shkollë, uljen e vlerësimit për veten apo të mësuarit për t’u bërë të dhunshëm dhe mjaft vështirësi gjatë adoleshencës, etj.
Ndaj, sipas planit kombëtar të mobilizimit për mbrojtjen e të drejtave të fëmijëve, çdo fëmijë ka të drejtë të rritet i lirë nga dhuna, neglizhenca dhe shfrytëzimi. Per kete, profesionistët kanë një peshë të konsideruehme në raportimin e ketyre rasteve.
“Dhuna ndaj fëmijëve është krim dhe raportimi i saj një detyrë. Strukturat përgjegjëse duhet ta raportojnë atë dhe të kujdesen për fëmijët duke mbajtur parasysh interesin më të lartë të tij/saj’, nënvizohet në planin kombëtar per mbrojtjen e të drejtave të fëmijëve.
Miratimi i ndryshimeve ligjore ka për qëllim mbrojtjen efektive të fëmijëve në gjithë territorin e Republikës së Shqipërisë. Këto propozime janë bërë tashmë, por deri në 1 qershor do të konsultohen dhe konsolidohen.
