Anëtarja e Kryesisë së PD, Grida Duma, tha në ‘Real Story’ se Lulzim Basha duhet të deklarojë ‘qeverinë hije’.
Ajo shtoi se shqiptarët nuk mund të imagjinojnë ministrat e ardhshëm të Partisë Demokratike, por duhet të jenë të qartë.
“Ata njerëz që do të përfaqësojnë nesër moralin e PD-së duhet të bëhen publikë. Nuk duhet të imagjinohen nga deklaratat e partisë emrat e ministrave të ardhshëm. Qeveria në hije e PD duhet të ishte prezantuar dhe njerëzit duhet të ishin njohur që më parë me njerëzit që do t’i qeverisnin.” – tha Duma mbrëmjen e së enjtes.
Ajo shtoi se duhen përcaktuar edhe kriteret e zgjedhjes se anëtarëve të kabinetit Basha, në rast të ardhjes së PD në pushtet.
/javanews/a.r
