Ndërsa kërkesa që 21 janari të shpallet festë kombëtare është në shqyrtim, një tjetër propozim është bërë nga ana e deputetëve të opozitës.
20 prej deputetëve të opozitës së re kërkojnë që të kthehet në ligj dekomunistizimi i politikës, shtetit dhe funksionarëve të lartë në vend.
“Sot, në emër të 20 deputetëve të opozitës depozituam një propozim për ligj të dekomunistizimit të politikës, shtetit dhe funksionarëve të lartë që drejtojnë Shqipërinë. Një ligj që është belbëzuar nga disa vemje si kalë beteje, por kurrë nuk kanë guxuar prej 29 vitesh sepse secili ka menduar të ruajë veten. Ka ardhur koha, bile jemi shumë vonë, që të ndajmë me ligj drejtimin e shtetit, politikës, qeverisë dhe administratës së lartë shtetërore nga komunizimi, komunistët dhe ish-shërbëtorët e tyre gjakatarë që kanë përdhosur e masakruar shqiptarët në emër të partisë prej 28 nëntorit 1994 deri më 8 dhjetor 1990”, shkruan deputeti i Grupit Parlamentar Demokrat, Myslim Murrizi për këtë propozim.
