Gazetarin investigativ Artan Hoxha është thirrur nga Prokuroria e Tiranës në lidhje me rihapje e hetimeve për 21 janarin 2011, pasi ai së fundmi ka publikuar materiale të reja në lidhje me vrasjet të kryera në atë ditë.
Gazetari Artan Hoxha ka publikuar në llogarinë e tij një foto teksa konsumon kafe në lokalin e lagjes dhe ironizon deklaratën e ish-kryeministrit Sali Berisha, për ngjarjen e 21 Janarit të 12 viteve më parë ku mbetën të vdekur katër protestues.
“Duke ‘manipuluar’ provat”, shkruan me ironi Hoxha, pas asaj që tha më herët sot Berisha, duke e cilësuar audio-përgjimin e Gardës për të qëlluar me plumba të vërtetë në 21 Janar si të manipuluar e falsifikuar.
“Duke “manipuluar” provat me kafe turke te klubi lagjes, ne pritje te atyre burrave me kostum, qe te pyesin “si e ka emrin baba, si e ka emrin nena”….
Puna eshte si t’i therresin ATA lart, per t‘i pyetur “si e ka emrin baba, si e ka emrin nena”, se ATA po ja bejne “nenen dhe baben” bashke, gjithe popullit….”, shkruan gazetari dhe ndan foton e mëposhtme, ndoshta duke pritur që prokurorët t’i kërkojnë kasetën e audio-përgjimit për 21 Janarin.
PROKURORIA PRANË GJYKATËS SË RRETHIT GJYQËSOR
T I R A N Ë
K o m u n i k i m
Prokuroria pranë Gjykatës së Shkallës së Parë Tiranë është duke kryer veprimet hetimore në
lidhje me procedimin penal Nr.285 i vitit 2011, (i rifilluar), aktet e të cilit bëjnë fjalë për
ngjarjen e ndodhur më datën 21.01.2011, gjatë së cilës kanë gjetur vdekjen shtetasit Z.V, F.M,
A.N dhe H.D.
Në datën 18.04.2012, është vendosur ndarja nga procedimi penal dhe dërgimi për gjykim në
Gjykatën e Rrethit Gjyqësor Tiranë, i çështjes së numërtuar 285/21, të viti 2012, i materialeve
për të pandehurit N.P akuzuar për veprën penale “Vrasja në rrethana të tjera cilësuese”, e kryer
në mënyrë të rrezikshme për jetën e shumë personave, parashikuar nga neni 79 gërma “ë” i
K.Penal, me pasojë vdekjen e shtetasit F.M dhe të pandehurit A.Ll, akuzuar për veprën penale
“Vrasja në rrethana të tjera cilësuese”, e kryer kundër dy ose më shumë personave”, parashikuar
nga neni 79 gërma “dh” i K.Penal, me pasojë vdekjen e shtetasve H.D e Z.V, si dhe plagosjen
e shtetasve F.M, E.B dhe S.G.
Ndërkohë që, u vazhduan hetimet në kuadër të procedimit penal nr.285 të vitit 2011, me qëllim
për të përcaktuar se cili është personi që kishte vrarë shtetasin A. N dhe plagosur shtetasit A.
D, I.Q dhe I.P.
Në funksion të hetimeve të zhvilluara nga ana e policisë gjyqësore u kryen të gjithë veprimet e
nevojshme hetimore, por nuk u bë e mundur që të identifikohet se cilët janë personat që kanë
vrarë shtetasit A.N dhe H.D, si dhe plagosur shtetasit F.M, S.G, E.B, A.D, I.Q dhe I.P.
Në këto kushte, kur janë kryer të gjitha veprimet e mundshme hetimore dhe autori i veprës
penale nuk njihet, me vendim të datës 28.02.2020, prej Prokurorëve të çështjes është vendosur
që hetimet të pezullohen duke i kaluar aktet e procedimit penal nr.285, të vitit 2011, për ndjekje
të mëtejshme në Drejtorinë Vendore të Policisë Tiranë.
Në vitin 2021 është vendosur rifillimi i hetimeve të pezulluara dhe kryerja e veprimeve
hetimore me qëllim zbulimin e autorit të vrasjes së shtetasit A.N dhe H.D, për të cilin Gjykata
e Rrethit Gjyqësor Tiranë me vendimin Nr.100, të shpallur në dt.07.02.2013, ka vendosur
deklarimin të pafajshëm të pandehurit A. Ll, për kryerjen e veprës penale të “Vrasjes me dashje,
të kryer kundër dy ose më shumë personave”, me pasojë të drejtpërdrejtë vdekjen e të ndjerit
H.D.
Me kryerjen e veprimeve hetimore të këtij procedimi penal janë ngarkuar Oficerët e Seksionit
të Krimeve ndaj Jetës në Drejtorinë Vendore të Policisë Tiranë, të cilët krahas detyrave të
urdhëruara prej prokurorëve të ngarkuar me hetimin, do të kryejnë edhe veprimet hetimore të
deleguara në lidhje me verifikimin e fakteve të publikuara prej shtetasit A.H (gazetar), fakte të
bëra publike prej tij në emisionin “Zona Zero”, më datën 20.01.2023, në televizionin “Top
Channel/m.j
