Babai i Andi Malokut, shoferi i ish prokurorit Arjan Ndoji, kërkon drejtësi për vrasjen e të birit.
Një ditë pasi SPAK ka thirrur deputetin e opozitës Halit Valteri, për videon që nxori në Kuvend, babai i Malokut i ka bërë thirrje që të hetojë dhe t’i sqarojë se pse iu vra djali.
“Im bir 2 muaj pune si shofer i prokurorit Ndoj. Prokuroria ka videot e ngjarjes dhe nuk arreston atentatorin tjetër. Prokuroria te veproje ndryshe do e marr vete gjakun e tim biri.”, tha Genc Maloku.
Babai i Andit, tregoi se kishte takuar deputetin e opozitës Halit Valteri dhe i kishte treguar kamerat e sigurisë.
“Unë kam videot dhe i kërkova ndihme deputetit Valteri qe te ngrejë zërin. Videot i kam siguruar privatisht, SPAK te veproje”,- pohoi ai.
Atentati u bë më 1 nëntor të vitit 2019, ku prokurori Ndoji lëvizte në makinë me Pëllumb Muharremin, i njohur si Rrumi i Shijakut, dhe që është një personazh i njohur i botës së krimit, si dhe shoferin e tij, Andi Maloku, që ndërroi jetë në spital.
g.kosovari
