Prej ditësh, Partia Demokratike ka akuzuar ashpër Ministrin e Brendshëm Fatmir Xhafaj se ka marrë në mbrojtje vëllain e tij, i cili është dënuar nga Italia me 7 vite e 2 muaj burg për trafik droge.
Sipas opozitës, ministri ka urdhëruar policinë të mos bëjë asnjë veprim për ndalimin dhe ekstradimin e vëllait. PD akuzoi sërish sot Xhafajn se ai është subjekt i ligjit antimafia dhe duhet t’i nënshtrhet hetimit pasuror ndërsa kjo forcë politike sulmoi edhe kryeprokuroren Marku duke e akuzuar se ka heshtur për çështjen.
Ndërkohë sipas raportimeve, bëhet me dije se Prokuroria e Krimeve të Rënda në fakt ka nisur verifikimet për Agron Xhafajn, përkundër akuzave të opozitës.
Balkanweb raporton se verifikimet kanë nisur zyrtarisht në kuadër të ligjit antimafia./a.m.
