Prokuroria ka njoftuar sot se ka nisur hetimet në lidhje me një pajisje përgjuese që disponon policia e shtetit.
Në një njoftim për mediat, Prokuroria e Përgjithshme thote se pajisja është e paaturizuar ndërsa procedimi ka nisur dy ditë më parë.
Sipas organit hetimor, për disponimin e përgjuesit në fjalë, Prokuroria është vënë në dijeni nga shërbimi i inteligjencës.
Burime per Ora News nga organi i akuzës bëjnë me dije se proçedimi për çështjen ka nisur para dy ditësh.
“Një paisje përgjuese tepër e sofistikuar është instaluar prej më shumë se një muaji në zyrat e Drejtorisë së Përgjithshme të Policisë, duke vënë në alarm institucionet e sigurisë. Pajisja nuk rezulton e regjistruar në asnjë regjistër zyrtar apo dokument tjetër të institucioneve të Sigurisë. Jo zyrtarisht policia thotë se kjo paisje përdoret për qëllime trajnimi të policisë së Shtetit. Historia ka nisur rreth 1 muaj më parë kur institucionet e inteligjencës shqiptare kanë rënë në dijeni të një informacioni se policia shqiptare po përdor një pajisje përgjimi të paregjistruar dhe të papautorizuar nga Prokurori i Përgjithshëm. Sipas burimeve, paisja që shërben për zbulimin e personave në kërkim i është dhënë policisë shiptare nga homologët italianë”– thuhet në artikullin e gazetës “MAPO” me titull; “Kë po përgjon Policia e Shtetit”?
I pyetur mbi këtë çështje, Kreu i Shtetit dha këtë prononcim për mediat.
Nishani: Nuk kam ndryshuar mendim dhe qasje ndaj sistemit të drejtësisë për asnjë arsye dhe për asnjë çështje. Kam parë ditët e fundit në media që është denoncuar një pajisje ilegale që kryen përgjime.Kjo mbetet për t’u verifikuar se sa i vërtetë është. Mbetet për t’u hetuar.
(javanews.al / r.a)
