Azem Sylës nuk i ndahet ligji. Tomë Gashi, avokat i ish-deputetit Azem Syla, ka thënë se prokurori i EULEX-it ka kërkuar që t’i vazhdohet masa e paraburgimit Sylës dhe shtatë të dyshuarve të tjerë edhe për katër muaj.
Sipas kërkesës së fundit te prokurorisë ende ekzistojnë arsyet për vazhdimin e paraburgimit, sepse sipas tij ende ekziston rreziku i ikjes, rreziku i pengimit të procedurës penale dhe rreziku i përsëritjes së veprës penale.
Tomë Gashi, në një shkrim në Facebook ka thënë se mbrojtja e Sylës do ta kundërshtojë kërkesën, , ngase vazhdimi i paraburgimit ndaj Azem Sylës mund të konsiderohet vetëm si dënim i tij dhe në asnjë mënyrë si masë ligjore për zhvillimin e papenguar të hetimeve në këtë çështje penale, referon Express. (b.an)
