Prokuroria e Apelit në Tiranë vijon betejën e saj ligjore për të vërtetuar akuzat që rëndojnë ndaj kreut të bashkisë së Vlorës Shpëtim Gjika.
Pas vendimit të Gjykatës së shkallës së parë që e shpalli të pafajshëm Gjikën dhe vendimit të Apelit, që la në fuqi të njëjtin vendim, Prokuroria këtë të dielë i është drejtuar Gjykatës së Lartë ku kërkon prishjen e vendimit të Apelit dhe rikthimin e çështjes për rishqyrtim nga një tjetër trupë gjykuese.
Në rekursin prej 40 faqesh që është paraqitur para Gjykatës së Lartë, Prokuroria e Apelit vlerëson se vendimi gjyqësor i Gjykatës së Apelit është tërësisht i pabazuar, me shkelje dhe zbatim te gabuar të ligjit material penal.
Organi i akuzës i qëndron pretendimit se Gjika dhe dhe ish-drejtoresha e Urbanistikës Eleni Dardhaj kanë konsumuar elementët e veprës penale të “shpërdorimit të detyrës” dhe “falsifikimit të dokumentave zyrtarë” dhe për këtë duhen shpallur fajtorë. Prokuroria shpreh kundërshtimin lidhur me vendimin e pafajësisë së Gjykatës së Apelit, duke u bazuar në 3 çështje kryesore proceduriale, të cilat i ka analizuar në rekursin e saj:
1.Gjykata e Apelit ne keqzbatim te ligjit procedural penal, konkretisht nenet 129 te K.Pr.P dhe 354/3 te K.Pr.P nuk disponoi me vendim mbi kerkesat paraprake te parashtruara nga Prokuroria e Apelit Tirane, duke sjelle per pasoje cenim flagrant te se drejtes se pales ne proces per te patur nje vendimmarrje ne procesin gjyqesor ku merr pjese, duke zhvilluar nje proces gjyqesor, i cili deri ne perfundim te tij edhe me marrjen e vendimit perfundimtar, nuk ka dhene argumente per kerkesen e ngritur, duke e bere keshtu procesin ne apel nje proces te pavlefshem ne vetvete.
2. Nga ana e Gjykates se Shkalles se Pare, por ne vijim, pa asnje ndryshim edhe nga Gjykata e Apelit, disponohet me nje vendim perfundimtar, pa konkluduar mbi ndertimin e faktit te rezultuar nga procesi i shqyrtimit gjyqesor, ne kundershtim kjo me nenin 383 te K.Pr.P. Gjithashtu konstatohet nga te dy gjykatat se nuk jane çmuar aspak prova te rendesishme te kerkuara nga Prokuroria dhe te administruara gjate shqyrtimit gjyqesor, ne kundershtim kjo me parashikimet e nenit 129, 152 dhe 380 te K.Pr.P.
3. Vendimi gjyqesor i Gjykates se Apelit eshte teresisht i pabazuar, me shkelje dhe zbatim te gabuar te ligjit material penal, konkretisht nenit 186 te K.P.
Redaksia Online
(JavaNews.al)
