Prokuroria e Elbasanit ka ankimuar lirimin nga burgu të Viktor Ymerit, i cili vuante dënimin në burgun e Bradasheshit.
Ai është konsideruar si një prej njerëzve më problematikë në Vlorë, prandaj Prokuroria pretendon se lirimi ishte i jashtëligjshëm dhe e ka ankimuar vendimin e Gjykatës së Elbasanit në Gjykatën e Apelit Durrës.
“Njohja e ditëve të punës si ditë burgu është bazuar në një vendim jo të formës së prerë” argumenton prokuroria.
Sipas organit të akuzës, gjykata ka zbatuar gabim ligjin, pasi ka llogaritur si ditë dënimi ditët e punës së kryera në burg. Viktor Ymeri është daja i Edison Harizaj, i cili u vra pas një atentati në Durrës.
Ai konsiderohej nga policia dhe prokuroria si një nga njerëzit më të afërt të Gazmend Brakës, (Gaxhait) i dënuar me burgim përjetë, pasi së bashku në qershor të vitit 1999, kanë ekzekutuar me dhjetra plumba kallashnikovi Arben Pajën dhe Ilir Xhungën, të cilët ishin pjesë e një fraksioni tjetër kriminal në Durrës.
Për këtë ngjarje policia e Durrësit në atë kohë arrestoi brenda shtëpisë së një doktori në Durrës, Gazmend Brakën dhe Viktor Ymerin. Sipas burimeve nga policia e Vlorës dyshohet se Ymeri ose në Vlorë njihet si “Tori i Xhihanes” të jetë dhe daja i Edison Harizaj, i vrarë me rreth 50 plumba në ngjarjen e 7 nëntorit 2018 në zonën e Plepave në Durrës. Harizaj dhe shoku i tij Genci Caci u qëlluan vetëm 7 ditë pasi Gjykata e Apelit në Durrës projektoi lirimin nga qelia të të afërmit të tyre Viktor Ymeri, për të cilin në 31 tetor 2018, ka vendosur ti rrëzojë dënimin me burgim të përjetshëm të dhënë në 23 qershor 2017 nga gjykata e Durrësit, dhe ta dënojë atë përfundimisht me 25 vite burgim.
Viktimat Genci Caci dhe Edison Harizaj
Vendimi i Gjykatës së Apelit që e ktheu burgimin e përjetshëm në 25 vite burg. Kurse lirimi vjen pasi koha e përllogaritjes së shlyerjes së këtij dënimi, sipas gjykatës së Apelit, Viktor Ymerit, i fillon në 29 qershor 1999, dhe që prej kësaj dite e deri më tani, pjesa më e madhe e dënimit prej 25 viteve burgim thuajse se është kryer.
g.kosovari
